دوای نیوهڕۆی ئهمڕۆ چوارشهممه لهشاری بهغداو لهرێورهسمێكدا پرۆتۆكۆڵی رادهستكردنهوهی روفاتی 542 ئهنفالكراو كه پێشتر له گۆڕهبه كۆمهڵهكانی مههاری دهرهێنرابوون رادهستی وهزارهتی شههیدان و ئهنفالكراوانی كوردستان كرانهوه.
ئاكۆ حهمهد رابی،ئاوێنه: له ڕاگهیهنراوێكی وهزارهتی شههیدانی حكومهتی ههرێمی كوردستان كه ويَنةيةكي نێردراوه بۆ سایتی ئاوێنه، هاتووة: ئهمڕۆ چوار شهممه به ئامادهبوونی د. مهجید حهمهد ئهمین وهزیری تهندروستی حكومهتی عێراقی ومحهمهد سوودانی وهزیری مافی مرۆڤی عێراقی و پهروین نوری عهزیز نوێنهری وهزارهتی كاروباری شههیدان و ئهنفالكراوانی حكومهتی ههرێم و نوێنهری دهزگای شههیدان، پرۆتۆكۆڵی رادهستكردنهوهی رووفاتی 542 ئهنفالكراوو كهپێشتر لهگۆره بهكۆمهڵهكانی مههاری دهرهێنرابوون رادهستی ههرێمی كوردستان كرایهوه.
لهو راگهیهندراوهدا هاتووه كه " لهو مهراسیمهدا ههریهك له د. مهجید حهمهد ئهمین وهزیری تهندروستی حكومهتی عێراقی و محهمهد سوودانی وهزیری مافی مرۆڤی عێراقی لهدوو وتهی جیادا ئاماژهیان بهگرنگی گهڕانهوهی رووفاتی ئهنفالكراوان كرد بۆ ههرێمی كوردستان و دهستخۆشیشیان كرد بۆ ههواڵ و ماندووبوونی لایهنهكان بۆ ئهنجامدانی ئهم پرۆسهیه. ههروهها پزشكی دادوهری بهغدا دهستخۆشی لهوهزارهتی مافی مرۆڤی عێراقی كرد بۆ دهرهێنان و گواستنهوهی رووفاتهكان. دواتر رووفاتی ئهنفالكراوهكان لهبهغداوه بهرهو ههرێمی كوردستان بهرێخران".
