حکومەت بەرپرسە...

د. شێرکۆ حەمەئەمین
  2019-03-12     145
روداوی دزینی پارەی نەخۆشخانەی شار، کە بەکوردی ئەمە جەردەییە، بەڕۆژی روناک کارەکە کراوە، کێ کردویەتی؟ چۆن کراوە؟ ئەگەر شتێک هەیە بەناوی حکومەت، ئەو بەرپرسەو ئەرکی دەوڵەتە ئاسایش دابین بکات و سەروماڵی هاوڵاتیان بپارێزێت.

ئاشکرایە حکومەت سێ ئەرکی سەرەکی هەیە:

1-پاراستنی ئاسایش‌و سەروماڵی هاوڵاتیان، پزیشک‌و کارمەندانی نەخۆشخانەی شاریش هاوڵاتین.


2-دابینکردنی لایەنی کەمی ژیان.


3-دابینکردنی لایەنی کەمی خزمەتگوزاری، لەم روانگەیەوە دەبێت پزیشکان و کارمەندان موچەی خۆیان وەرگرن و ئەمیش وەک پاشەکەوتی نایاسایی نەچێتە قوڕگی شێرەوە! بەتایبەتی ماوەیەکی زۆرە فەرمانبەران و موچەخۆران لەچاوەڕوانیدان.

راستە لێکۆڵینەوە دەکرێت، بەڵام خۆ نابێت هەموی بەئاگری بکەری کارەکەوە بسوتێت بەتایبەتی رۆتینی لێکۆڵینەوەو میکانیزمی کاری حکومی زۆر دەخایەنێت، واتە:


یەکەم/ دەبێت موچەکەیان بەزویی پێ بدرێت.


دوەم/ پاشان حکومەت دوای تاوانباران دەکەوێت. 


سێیەم/ فەرمانبەریی، تەنیا لەو حاڵەتەدا پارەی دەفەوتێت، ئەگەر موچەکەی وەرگرتبێت‌و ژماردبێتی و واژۆی کردبێت پاشان لێی بدزرێت، جگە لەم حاڵەتە، حکومەت بەرپرسەو دەبێت سەروماڵی هەموان بپارێزێت.


چوارەم/ ناکرێت پەرلەمان‌و فراکسێۆنەکان بێدەنگ بن‌و هەڵوێستی خۆیان نەبێت.
زۆرترین بینراو
© 2018 Awene Online, Inc. All Rights Reserved.
×