شەڕی بنەماڵەی تاڵەبانی لەسەر ئەو دزییە زۆرەی لەغازی ماڵانی دەکەن

عه‌بدوڵا کوێخا موباره‌ک
  2020-02-02     2143
ئەزمەی غازی ماڵان

یان با بڵێین شەڕی بنەماڵەی تاڵەبانی لەسەر ئەو دزییە زۆرەی لەغازی ماڵانی دەکەن

پێشەکی زۆر بەداخەوە بۆ ئەو ھەمو میدیا و نوسەر و ڕۆژنامە نوس و پەڕلەمانتارانەی کە ڕۆژانە مێشکی خەڵکیان بردوە و باسی کێشەی نێو ماڵان و خێزانەکانیش بەناو و عینوانی تەواوە دەکەن، بەڵام کە دێتە سەر ستەم و دزیکرنی بنەماڵە دەسەڵاتدارەکان لە خەڵک جورئەت ناکەن ناوی یەک کەس و گروپی چەکداری میلیشیا بھێنن و بابەتەکە بە ناڕونی بەڕێ دەکەن.

ئەزمەی غاز پەیوەندی بە کەمی غازەوە نیە، بەڵکو ڕاستیەکە ئەوەیە کە کۆمپانیای پێشو دەڵای ماڵی شێخ جەنگی تاڵەبانیە و کاری بۆ ئەوان کردوە و ڕۆژانەش دزیەکی زۆریان لەو غازە شلەی ماڵاندا کردوە، لەبەرامبەریشدا ماڵی شێخ جەنگی بە ھێزی بەناو دژە تیرۆری یەکیتی بارێزگاریان لەو کۆمپانیایە کردوە.

ھەروەک ھەمو ئەو دزی و ڕاوڕوت و غەدەرەی کە بەناوی دژە تیرۆرەوە لە خەڵک و کۆمپانیاکانی سنوری سلێمانی دەکەن، بەڵام لە ئێستادا کۆمپانیایەکی تری شەریکی ئیدارەی گشتی یەکێتی تەندەری غازی ماڵانیان بۆ دەرچوە و ئەبێت کۆمپانیای پێشو غازی ماڵانیان ڕادەست بکات و چیتر بۆی نیە غاز لە شەریکەی کۆرمۆر وەربگرێت.

بەڵام ماڵی شێخ جەنگی ئەوەیان قبوڵ نیە و وای دەبینن کە ئەمە دەستی ماڵی جەلال تاڵەبانی لەپشتە و ئەیانەوێت سەرچاوەی داھاتی ئەوان ببڕن، بۆیە بێ گوێدانە تەندەری یاسایی کۆپانیا نوێیەکە و بێ گوێدان بە بەکار ھێنانی ھێزێکی بەناو ئەمنی و موچە خۆری حکومەت و بە ئاشکرا لە نێو جەرگەی سلێمانی ھێزێکی دژە تیرۆریان ناردۆتە سەر ئۆفیسی کۆمپانیا نوێیەکە و خاوەنی کۆمپانیاکەیان فراندوە، ئازارێکی زۆریان داوە و سێ پەراسویان شکاندوە و توشی نەزیفی بوە، لەدوای ئەوەش ھەڕەشەی کوشتنیان لێکردوە و کارەکەیان پێ ڕاگرتوە.
زۆرترین بینراو
© 2020 Awene Online, Inc. All Rights Reserved.
×