2019-08-17   886     
سەرچاوەیەكی ئەمنی عێراق ئاشكرای دەكات، لە شارەدێ ریاز كە سەر بەقەزای حەویجەیە، داعش هێرشی كردووەتە سەر حەشدی شەعبی ، وەزارەتی بەرگری عێراقیش دەڵێت ''لەدوای شەڕی باغۆز ئەو داعشانە هاتوونەتە عێراق''.
ئاوێنه: سەرچاوەیەکی ئەمنی لە پارێزگای کەرکوک رایگەیاند، ''ژمارەیەک چەکداری داعش هێرشییان کردووەتە سەر چەند بنکەیەکی چەکدارانی حەشدی شەعبی لە شارەدێی ریازی سەربە قەزای حەویجە''.
میدیای حەشدی شەعبیش بڵاویکردەوە، بەرپەچی هێرشەکە دراوەتەوە و ژمارەیەک چەکداری داعش کوژران و ئۆتۆمبێلێکیش تەقێنراوەتەوە.
ئەمەش لە کاتێکدایە، وهزارهتی بهرگری عێراق ئاشكرایکردووە، بهشێک لە چهكدارانی داعش دوای شهڕی باغۆز، هاتوونهته عێراق و توانیویانه له ناو هاووڵاتییان دا خۆیان حهشار بدهن.