2019-08-18   746     
وەزیری بەرگریی تورکیا، ئاشکرای کرد "ناوەندی ئۆپەراسیۆنی هاوبەش لەگەڵ ئەمریکا لەبارەی ناوچەی ئارام لە باکووری سووریا، هەفتەی داهاتوو دەست بەکارەکانی دەکات".
ئاوێنه: خوڵوسی ئاکار لە میانی سەردانێکیدا بۆ پارێزگای ئورفا لە لێدوانێکدا رایگەیاند: "تاوەکو ئێستا بێ هیچ کێشەیهک، پابەندبوون بە کاتی دیاریکراو لەبارەی ناوەندی ئۆپەراسیۆنی هاوبەش لەگەڵ ئەمریکادا، تورکیا چاودێری پانەبدون دەکات لە داهاتوودا".
وەزیری بەرگریی تورکیا راشیگەیاند: "لەگەڵ ئەمریکا لەسەر چاودێری و هەماهەنگی لە بواری ئاسمانیدا رێککەوتووین، هەروەها لەسەر چەند پرسێکی دیکەی پەیوەست بەهەمان بابەت رێککەوتووین".
خوڵوسی ئاکار وتیشی: "ناوەندی ئۆپەراسیۆنی هاوبەش هەفتەی داهاتوو بەهەموو توانایێکییەوە دەست بەکارەکانی دەکات".
وەزیری بەرگریی تورکیا، خوڵوسی ئاکار راشیگەیاند: "هیچ لێکدانەوەیەکمان نییە لەبارەی هەماهەنگی هاوپەیمانەکانمان لەگەڵ پەیەدە و چاوەڕوانیمان لەوان ئەوەیە لەنزیکترین کاتدا کۆتایی بەوە بهێنن".