ئاسایشی سلێمانی بازرگانێكی دەستگیركرد كە بەنیاز بوە 13 تۆن برنجی بایەعی
بكاتە كیسی برنجی جۆری "قبلە"و "فاخر"
و "تایلاندی" و لەبازاڕدا ساغی بكاتەوە.
ئاوێنە: بەڕێوەبەرایەتی
ئاسایشی سلێمانی لە راگەیەنراوێكدا كە وێنەیەكی دەست ئاوێنە كەوتوە، رایگەیاند، ئەمڕۆ
18ی ئابی 2019، لەدرێژەی كارو چالاكیەكانی بەڕێوەبەرایەتییەكەیاندا بە مەبەستی نەهێشتن
و بنبڕكردنی هەمو جۆرە مەوادێكی ساختە هێزەكانیان توانیویانە كەسێك بەناوی (ع. ف. ع.)
دەستگیربكەن لەكۆگایەكی عەمبار لە گەڕەكی قولەرەیسی شاری سلێمانی.
رونیشیكردوەتەوە، دەستگیركراوەكە 13 تۆن برنجی بایەعی لە كۆگاكەیدا عەمبار
كردبو كە بە نیاز بو برنجی بایەعیەكە بكاتە كیسی 25 كیلۆیی بەتاڵ لەجۆری "قبلە"و "فاخر" و "تایلاند"و
لەبازاڕدا بەگرانتر ساغیان بكاتەوەو بیانفرۆشێت بەهاوڵاتیان.
ئاسایشی سلێمانی راشیگەیاند، پێش ئەوەی بیانخاتە بازاڕەوەو ساغیان بكاتەوە دەستگیرا بەسەر برنجەكەداو ناوبراو روبەڕوی
لایەنی پەیوەندیدار كرایەوە بەمەبەستی گرتنەبەری رێكاری یاسایی لەدژی.