زەریف: سعودیە کێشەیان لەگەڵ قاسم سلێمانی هەیە
  2019-08-21       669       

محەمەد جەواد زەریف، وەزیری دەرەوەی ئێران رایگه‌یاند  "سعودیە پێی راگەیاندووم کە کێشەیان لەگەڵ قاسم سلێمانی هەیە".

ئاوێنه‌: ئەمڕۆ 21ی ئابی 2019 میدیا ئێرانییەکان وتاری محەمەد جەواد زەریف، وەزیری دەرەوەی ئێرانیان بڵاوکردەوە کە لە سوید بۆ ئاوارە ئێرانییەکان پێشەکشی کردووە و دەڵێت "وڵاتەکەمان ئامادەیە لەگەڵ سعودیە گفتوگۆ دەستپێبکات ئەگەرچی باجی ئەو کارەشی دەدات".

هاوکات بەشێک لە ئاڵوگۆڕی نامەکانی خۆی و سعود فەیسەڵ، وەزیری دەرەوەی سعودیەی ئاشکرا کرد کە ساڵی 2011 کۆچی دوایی کردووە، زەریف وتی "سعودییەکان زۆر سەیر قسەیان دەکرد و دەیانوت زەریف هیچ بەهایەکی نییە و کێشەی ئێمە لەگەڵ قاسم سلێمانییە".

دەشڵێت "بۆ ئەوەی بزانن ئەوان درۆیان دەکرد، کاتێک بووم بە وەزیر لەگەڵ قاسم سلێمانی قسەم کرد و پێشنیارمان بۆ سعود فەیسەڵ کرد کە ئێمە ئامدەی گفتوگۆین دەربارەی یەمەن، بەحرەین، عێراق، سوریا و لوبنان، لە نامەکەمدا پێموتن ئەگەر وادەزانن ئێمە بێ نرخین ئەوا قسە لەگەڵ بەڕێز سلێمانی بکەن، بەڵام سعود فەیسەڵ وەڵامی داینەوە و وتی ئێوە پەیوەندیتان بە جیهانی عەرەبییەوە نییە".

باسی لەوەشکرد "ئێستا دەبینن ئێمە پەیوەندیمان بە جیهانی عەرەبییەوە نییە یان نا؟ئەوان لە سوریا و یەمەن دۆڕان، سەرۆک وەزیرانی لوبنانیان دەستبەسەر کرد، بەڵام ئێمە پشتیوانی پەیوەندی لەگەڵ وڵاتانی دراوسێ دەکەین، هەوڵی زۆرمدا بۆ باشکردنی پەیوەندییەکان لەگەڵ وڵاتانی دراوسێ و باجەکەشیم دا و ئامادەشم باجی زیاتر بدەم".
زۆرترین بینراو
© 2024 Awene Online, Inc. All Rights Reserved.
×