2019-08-22   713     
شەوی ڕابرد لەسەر ڕێگای ناحیەی قەرەتەپە بۆ جەلەولا داعش پەلاماری خاڵێکی سوپای عێراقی داوە کوژراو برینداری لێکەوتوەتوە.
ئاوێنە، ئەیاد محەمەد، ڕحیم عەزیز، سەرۆکی ئەنجومەنی ناحیەی قەرەتەپە بەئاوێنەی ڕاگەیاند: "شەوی ڕابردو چەکدارەکانی داعش پەلاماری خاڵێکی سوپای عێراقیان دا وە لەسەرڕگای ناحیەی قەرە تەپە بۆ جەلەولا، شەڕو ڕوبەڕو بونەوە لەنێوانیاندا ڕویداوە".
وتیشی: "چوار لاشەی چەکدارانی داعش بەجێماوە کەیەکێکیان خۆی تەقاندوەتەوە ئەوسێ تەرمەکە لەبەڕێوەبەرایەتی پۆلیسی قەرەتەپەیە، ئەیانبەن بۆ باعقوبە".
سەبارەت بەزیانەکانی سوپای عێراق وتی: "هەرچی سوپای عێراقە کەسێکیان بریندارە و دوکەسیش کوژراوە".
هێرش و پەلامارەکانی چەکدارانی داعش لەسنوری ناوچە کێشە لەسەرەکان بەشێوەیەکی بەرچاو ڕوی لەزیاد بون کردوە، بەپێی زانیاریەکانی ئاوێنە چەکدارانی داعش سودیان لەوبۆشاییە ئەمنیە وەرگرتوە کەلەدوای کشانەوەی هێزە کوردیەکان لەناوچەکەدا دروست بوە.