2019-08-22   481     
سەرۆکی عەسائیبی ئەهلی حەق، قەیس خەزعەلی رایگەیاند، ''عێراق ناگەڕێتەوە بارودۆخی رابردوی خۆی و لەتوانای دایە بەرگری لە خۆی بکات''.
ئاوێنه: قەیس خەزعەلی، لەتویتێکدا سەبارەت هێرشەکانی ئیسرائیل بۆ سەر بنکەکانی حەشدی شەعبی لەعێراق، رایگەیاند ''ئەوانەی ئاسایشی عێراق دەکەنە ئامانج پێویستە بزانن کە عێراق ناگەرێتەوە بۆ دواوە''.
راشیگەیاند ''عێراق لەتوانایدایە بەرگری لەخۆی بکات''.
دوێنێ ئەبو مەهدی موهەندیس، سەرۆکی هەیئەی حەشدی شەعبی لەبەرامبەر بەئامانج گرتنی سەربازگەکانی حەشدی شەعبی، ئەمریکای تاوانبارکرد و راشیگەیاند '٤ فرۆکەی بێفرۆکەوانی ئیسرائیلی لەسەر ئازەربایجانەوە خراوەتە نێو سەربازگەی ئەمریکا لە عێراق''.
لەلایەکی دیکەوە لە بەرواری ١٩ی تەمموز بۆ ٢٠ی ئاب ژمارەیەک هێرشی ئاسمانی بۆ سەربازگەکانی شوهەدا، ئەشرەف، سەقەر و بەلەد ئەنجامدا کە سەر بە حەشدی شەعبییە.
لەهەمانکاتدا بنیامین ناتانیاهو، سەرۆک وەزیرانی ئیسرائیل لە ئۆکراینا رایگەیاند ''ئیسرائیل هەموو ئەو شوێنانە دەکاتە ئامانج کە هێزەکانی سەر بە ئێرانی تێدایە''.