ئەمڕۆ هەینی گەنجێكی
17 ساڵان لە بەنداوی سماقوڵی خنكا، تا ئێستا تەرمەكەی نەدۆزراوەتەوە.
ئاوێنە: گۆران ئەحمەد سماقە، بەڕێوبەری بەرگری
شارستانی کۆیە، لە لێدوانێكی رۆژنامەوانیدا رایگەیاند، سەرلەبەیانی ئەمڕۆ هاوڵاتیەکی دانیشتوی
هەولێر كە بەمەبەستی گەشتكردن هاتبوە سنورەکە، لەبەنداوی سماقوڵی خنکا.
وتیشی"گەنجەكە
ناوی ( خەتاب عومەر)ەو تەمەنی (17) ساڵە، لە ئێستادا تیمەکانیان سەرقاڵی دۆزینەوەی
تەرمی خنکاوەکەن".
ئەوەشی خستۆتەڕو
كە خنکانی ئەو هاوڵاتییە بەهۆی مەلەکردنەوە بوە لە ئاوەکەدا و ئەوان پێشتر رێنماییان
بە هاوڵاتیان داوە کە مەلە نەکەن و لە سنوری بەنداوەکەشدا تابلۆیان هەڵواسیوە کە مەلەکردن
قەدەغەیە.