بۆكان؛ گەنجێك لەسەر گۆڕی خۆشەویستەكەی كۆتایی بە ژیانی خۆی هێنا
  2019-08-23       823       

گەنجێكی خەڵكی "بۆكان"ی رۆژهەڵاتی كوردستان، ئەمڕۆ هەینی، چۆتە سەر گۆڕی خۆشەویستەكەی و لەوێ خۆی كوشتوە. خۆشەویستەكەی نزیكەی سێ مانگ لەمەوبەر بەهۆی رازی نەبونی خانەوادەكەیەوە بۆ پێكهێنانی ژیانی هاوسەریی لەگەڵ ئەم گەنجە، خۆی كوشتبو.

ئاوێنە: بەپێی راگەیەندراوێكی مرێكخراوی مافی مرۆڤی هەنگاو، كە چاودێری مافەكانی مرۆڤ لە رۆژهەڵاتی كوردستان دەكات، ئەمڕۆ هەینی 23ی ئابی 2019، گەنجێكی خەڵكی بۆكان بە ناوی”ش. ڕەحیمی“ تەمەن ٢٤ ساڵ بە دەمانچەی جۆی "کۆڵت" کۆتایی بە ژیانی خۆی هێناوە.

بە وتەی سەرچاوەیەکی ئاگادار، (ش. رەحیمی) ئەمڕۆ چۆتە سەر گۆڕی خۆشەویستەكەی و لەوێ خۆی كوشتوە.

خۆشەویستەكەی (ش. رەحیمی)، نزیكەی سێ مانگ لەمەوبەر بە هۆی رازی نەبونی خێزانەکەیەوە بۆ پێکهێنانی ژیانی هاوسەری لەگەڵ ناوبراو، كۆتایی بە ژیانی خۆی هێنابو.

(ھـ. عەزیز پور) تەمەن ١٧ ساڵ، ڕۆژی یەکشەممە ٢٦ی ئایاری ٢٠١٩ لە گوندی "ئوشتەپە"ی بۆکان بە بەكارهێنانی چەك خۆی كوشت.

زۆرترین بینراو
© 2018 Awene Online, Inc. All Rights Reserved.
×