2019-08-24   1017     
سكرتێری گشتی حزبی سۆسیالیست دیموكراتی كوردستان ئاماژە بە گەڕاندنەوەی هێزی پێشمەرگە بۆ كەركوك دەكات و دەڵێت: ''لەو ناوچانە بەشەڕ دەركراوین و ناتوانین بە دەست ماچكردن بگەڕێینەوە''.
ئاوێنه: ئەمڕۆ شەممه 24ی ئاب، محەمەد حاجی مەحمود سكرتێری حزبی سۆسیالیست دیموكراتی كوردستان لە لێدوانێكیدا بۆ ڕۆژنامەنووسان ڕایگەیاند، ''گەڕانەوەی پێشمەرگە بۆ كەركوك و ناوچە دابڕێنراوەكان، پهیوەندی بە رێككەوتنی نیوان هەرێم و بەغداوە هەیە، بەڵام ئەو كارە ئاسان نییە''.
ڕاشیگهیاند "ئێمە لەو ناوچانە بەشەڕ دەركراوین و ناتوانین بە دەست ماچكردن بگەڕێینەوە، بۆیە گەرانەوەی پێشمەرگە ئەستەمە، ئومێد دەكەین چوار ساڵی ئایندە پێوەندی نێوان هەرێم و بەغدا ئارام بێت".
دوای ڕووداوەكانی 16ی ئۆكتۆبەری ساڵی 2017 پێشمەرگە كشانەوە، بۆیە داوا دەكرێ پێشمەرگە بگەڕێتەوە.