تەرمی بڕیاری تەمەن چوار ساڵان، كوڕی شەهید ئاسۆ مام جەلال مەسۆیی، لە گردی
سەیوانی شاری سلێمانی لە تەنیشت باوكییەوە نێژرا.
ئاوێنە: "بڕیار"ی تەمەن چوار ساڵان، پاشنیوەڕۆی ئەمڕۆ یەكشەممە،
دوای دو رۆژ مانەوەی، لە نەخۆشخانەی شار كۆچی دوایی كرد.
ئەو کوڕی شەهید ئاسۆ مام جەلال مەسۆیی بو كە رۆژی 31-7-2019 لە هێرشێکی
داعشدا لە شارۆچکەی کوڵەجۆی سنوری گەرمیان شەهیدبو، بەو هۆیەوەشەوە بڕیار-ی كوڕی
باری تەندروستی تێكچو.
ئیوارەی ئەمڕۆ
بەئامادەبونی خزمانی و چەند بەرپرسێك و ژمارەیەكی زۆر لە هاوڵاتیان، لەرێورەسمێكدا
تەرمەكەی لەگردی سەیوان لەشاری لەتەنیشت باوكیەوە بەخاك سپێردرا.
سبەینێش یەكەم ڕۆژی پرسەكەی لەمزگەوتی مامۆستا مەلا عەبدول كەریم مودەریس لەشاری
سلێمانی بەڕێوەدەچێت.