سه‌رۆكی جه‌هه‌په‌: ئەرۆغان لە سوریا پاڵپشتیی گروپە تیرۆریستییەکان دەکات
  2019-09-07       1114       
سه‌رۆكی جه‌هه‌په‌ ره‌خنه‌ له‌ ئه‌ردۆغان ده‌گرێت و رایده‌گه‌یه‌نێت ''به‌هۆی پاڵپشتیی ئه‌ردوغان له‌گروپه‌ تیرۆرستییه‌كان 3 ملیۆن په‌نابه‌ری دیكه‌ی سوری رو له‌توركیا ده‌كه‌ن‌''.

ئاوێنه‌: كه‌مال كڵچدارئۆغڵو، سه‌رۆكی پارتی گه‌لی كۆماری "جه‌هه‌په‌" ره‌خنه‌ی توند‌ له‌ ره‌جه‌ب ته‌یب ئه‌ردۆغان سه‌رۆک كۆماری توركیا ده‌گرێت و رایده‌گه‌یه‌نێت ''به‌هۆی پاڵپشتییه‌كانی ئه‌ردوغان بۆ‌ گروپه‌ تیرۆرستییه‌كان، 3 ملیۆن په‌نابه‌ری دیكه‌ی سوری روو له‌ توركیا ده‌كه‌ن‌''.

كڵچدارئۆغڵو جه‌ختیش ده‌كاته‌وه‌، ئه‌ردۆغان به‌رده‌وام باسی هاتنی شه‌پۆڵێكی نوێی په‌نابه‌رانی سووری بۆ توركیا ده‌كات، ئه‌مه‌ش به‌هۆی سیاسته‌تی هه‌ڵه‌ی ده‌سه‌ڵاتی توركیایه‌ به‌رامبه‌ر سووریا.

سه‌رۆكی جه‌هه‌په‌ دووپاتیشی كرده‌وه‌،‌ ''هه‌ر له‌ سه‌ره‌تای قه‌یرانی سووریاوه‌ سیاسه‌تی توركیا به‌رامبه‌ر ئه‌و وڵاته‌ هه‌ڵه‌ بووه‌''.

ئه‌مه‌ له‌كاتێكدایه‌، به‌گوێره‌ی ئاماره‌كان، ئێستا نزیكه‌ی 3 ملیۆن و 500 هه‌زار په‌نابه‌ری سووری له‌ توركیا بوونیان هه‌یه‌ و ئه‌گه‌ر ئه‌و ژماره‌یه‌ش كه‌ كلچدار ئۆغلۆ ئاماژه‌ی ێ ده‌دات روو له‌و وڵاته‌ بكه‌ن، ئه‌وا ژماره‌ی په‌نابه‌رانی سووری له‌ توركیا ده‌گاته‌ زیاتر له‌ 6 ملیۆن په‌نابه‌ر.
زۆرترین بینراو
© 2018 Awene Online, Inc. All Rights Reserved.
×