ئیبراهیم تاتلیساس: تا مردن لەگەڵ ئەردۆغان دەبم و بانگم بکات بۆ هەر کوێیه‌ك دەچم
  2019-09-09       1767       
ئیبراهیم تاتلیساس “هەر کەسێک چی دەڵێت با بیڵێت رەجەب تەیب ئەردۆغان من بانگ بکات بۆ هەر کوێیەك دەچم، تا مردنیش لەگەڵی دەبم.

ئاوێنه‌: لە چاوپێکەوتنێکیدا لە گەڵ رۆژنامەی سەباحی تورکی ئیبراهیم تاتلیساس کۆمەڵێک بابەتی وروژاندوە، لە پسیارێکدا سەبارەت بە گۆرینی ئەو ئەشکەوتەی کە تاتلیساس تێیدا لە دایک بوە بۆ مۆزەخانە، رایگەیاند ''من هەرگیز ئەو شوێنەی کە لێوەی هاتوم ناشارمەوە، راستگۆییم منی گەیاندە ئەم رۆژە، لە ئەشکەوت لە دایک بووم شانازیشی پێوە دەکەم، دەمەوێت خەڵکی ئەو شوێنە ببینێت کە تێیدا هاتومە دنیا و بزانن کە لە چی بارودۆخێکدا ژێانم دەست پێکردوە''.

هەروەها رایگەیاندە ''بۆ بوژانەوەی کەرتی گەشتیاری ناوچەکە برێک پارە تەرخاندەکەم و هۆتێلێکیش لە ناوەندی شاری ئورفە دروست دەکەم''.

سەبارەت بە دروستکردنی شەقامە ئۆتۆبانەکان و خزمەت گوزاری بۆ ناوچەکە لە لایەن حکومەتەوە تاتلیساس وتی ''هەندێک کەس ئیلا دەبێت گلەی بکات دەڵێن ئەوەندە ساڵە حکومەت چی کردوە؟، لێرەوە پێیان دەلێم دەستان لەسەر ویژدانتان دانێن ئەی لەوە زیاتر چی بکەن گشت شەقامەکانی تورکیایان کردە ئۆتۆبان، سەێرێکی ئیستانبول بکەن ئەوەتا پردی سێیەمیشیان وا دروست کرد تونێلیان لە ژێر لە دەریا دروستکرد''.

هاوکات لە وڵامێکیدا بۆ پرسیارێکی رۆژنامەنوس سەبارەت بە بەشداری کردنی تاتلیساس لە بۆنەو ئاهەنگەکان لەگەڵ ئەردۆغان رایگەیاند ''رەجەب تەیب ئەردۆغان پێش هەمو شتێک کەسێکی زۆر بە وەفایە، من لە کاتی خۆی کە لە زیندان بوو سەردانم کرد، لە کاتی خۆی زۆر وتەی رەخنەبارم ئاراستە کردبو، لە دوای هەلبژاردنی لە لێدوانێکدا وتم پاشایەتیم روخا بەلام وا دەرنەچو، سەرەرای ئەم هەمو رەخنەیەی کە لێم گرتبو بەڵام منی لە هەر شوێنێک بدیتبا رێزو خۆشەویستی بەرامبەرم دەنواند، رەجەب تەیب ئەردۆغان من بانگ بکات بۆ هەر کوێیك دەچم، تا مردنیش لەگەڵی دەبم، لە کاتی نەخۆشیم سات بە سات بە دواداچونی بۆ بارودۆخم دەکرد هەرگیز منی تەنیا بە جێ نەهێشت ئەمە پێی دەوتریت وەفا''.
زۆرترین بینراو
© 2018 Awene Online, Inc. All Rights Reserved.
×