"سەزای تەمەللی بەهیچ شێوەیەک نه‌یوتووه‌ هاتوم لەگەڵ پێشەوای گەلی کورد بیروڕا ئاڵوگۆڕ بکەم"
  2019-09-10       1340       

نوێنەری پارتی‌ دیموكراتی‌ گه‌لان -هەدەپە- لەهەرێمی‌ كوردستان، ڕه‌تیده‌كاته‌وه‌ سەزای تەمەللی دوای‌ كۆبونه‌وه‌ی‌ له‌گه‌ڵ مەسعود بارزانی وتبێتی‌، "هاتوم لەگەڵ پێشەوای گەلی کورد بیروڕا ئاڵوگۆڕ بکەم".

ئاوێنه‌: 7ی ئه‌م مانگه‌ شاندێکی‌ باڵای هەدەپە بەسەرۆکایەتی‌ سەزای تەمەللی، هاوسەرۆكی پارتەکەو بەیاوەری جێگری هاوسەرۆك‌و ژمارەیەك لەپەرلەمانتارانی ئەو پارتە سەردانی هەرێمی کوردستانیان کرد.

یەکەم کۆبونەوەی‌ شاندەکە لەگەڵ مەسعود بارزانی، سەرۆکی‌ پارتی دیموکراتی کوردستان بو، لەکاتی ڕوماڵی کۆبونەوەکەدا، کەناڵی ڕوداو وێنەیەکی پێشوازی بارزانی لەتەمەللی لەلاپەڕی فەیسبوکی خۆی بڵاوکردەوە کە لەسەری نوسرابو، "سەزای تەمەللی: هاتوم لەگەڵ پێشەوای گەلی کورد بیروڕا ئاڵوگۆڕ بکەم."

له‌باری‌ ڕاستی‌ ئه‌و وته‌ی‌ تەمەللی، عابد ئیکە، نوێنەری هەدەپە لەهەرێم کە خۆی لەسەرجەم کۆبونەوەکانی‌ شاندی هەدەپە ئامادەبووه‌ بەسایتی‌ ناس کوردی وتووه‌، “بەهیچ شێوەیەک سەزای تەمەللی وەها قسەیەکی نەکردووە، بەڵکو لەدوای هەمو کۆبونەوەکان وتویەتی بارزانی بینیوە وەک یەکێک لەسەرکردەکانی‌ کورد، وەک هەمو سەرکردەی حزبەکانی‌ تر.”

عابد ئیکە راشیگه‌یاندووه‌، “ئەو کەناڵە بەدەستی‌ ئەنقەست ئەو کارەی‌ کردووەو لەماوەی‌ ڕابردوشدا چەندینجار کاری هاوشێوەی‌ کردووە.”

زۆرترین بینراو
© 2018 Awene Online, Inc. All Rights Reserved.
×