ئه‌نجومه‌نی سیاسی كۆمه‌ڵی ئیسلامی داوا ده‌كات په‌له‌بكرێت له پێكهێنانی كابینه‌ی نوێی حكومه‌تی هه‌رێمی كوردستان و جه‌ختیش له‌سه‌ر یه‌كده‌نگی لیسته كوردستانییه‌كان له‌به‌غدا ده‌كاته‌وه.
ئاوێنه: ئه‌مڕۆ(چوارشه‌ممه) بەسەرپەرشتی عەلی باپیر، ئه‌میری كۆمه‌ڵی ئیسلامی، ئەنجومەنی سیاسی ئه‌و حزبه له باره‌گای ئه‌نجومه‌نه‌كه له‌شاری سلێمانی كۆبۆته‌وه.
به‌پێی راگه‌یه‌ندراوێكی ئه‌نجومه‌نی سیاسی كۆمه‌ڵ لەکۆبونەوەکە دا دۆخی سیاسی هەرێم و عێراق و ئاماژەکانی گۆڕانکاری سیاسی و سەربازی لە ناوچەکە تاوتوێ كراون.
هێمای بۆ ئه‌وه‌ش كردوه كه ئه‌نجومه‌نی سیاسی كۆمه‌ڵی ئیسلامی جەختی لەسەر پەلەکردن لە پێکهێنانی حکومەتی هەرێم و سەرۆکایەتی پەرلەمانی کوردستان كرۆدته‌وه، بۆ خزمەتکردن و پاکسازی و دژایەتی گەندەڵی تاکو دامەزراوەکانی هەرێم بکەونە سەرکاری خۆیان و لەبۆشایی یاساییدا نەمێننەوە.
هه‌روه‌ها ئەنجومەنی سیاسی کۆمەڵ جەختی لەسەر یەکدەنگی لیستە کوردستانیەکان لەبەغداد كردۆته‌وه بۆ داکۆکی لەمافە دەستوری و داراییەکانی خەڵکی کوردستان.