حكومه‌تی عێراق بڕیاری لابردنی تاوه‌ری مۆبایل‌و ئینتەرنێتی سەر بیناو باڵەخانەکانی ده‌ركردو بۆ جێبه‌جێكردنی بڕیاره‌كه‌ش ماوه‌ی سێ ڕۆژی دیاریكردووه.
ئاوێنه: به‌پێی نوسراوێکی وەزارەتی ئاوەدانکردنەوەو نیشتەجێکردنی عێراق كە رێكەوتی 11ی ئه‌م مانگه ده‌ریكردووه، بڕیاریداوە بەلابردنی ئەو تاوەرانەی بەمەبەستی خزمەتگوزاریی پەیوەندیەكانی مۆبایل‌و ئینتەرنێت لەسەر بیناو باڵەخانەکان دانرون.
لەنوسراوەکەدا ماوەی کەمتر لەسێ رۆژ دوای ئاگادارکردنەوەیان دیاریكراوه بۆ لابردنی سەرجەم تاوەره‌كان كە لەسەر باڵەخانەكان یاخود خانوو شوێنەكانی نیشتەجێبون دایانناون.
