میدیاکانی عێراق رایانگەیاند، عەلائەدین ئەلعەلوان وەزیری تەندرووستی نامەی دەستلەکارکێشانەوەی پیشکەشی عادل عەبدولمەهدی کردووە.
ئاوێنه: بەپێی هەواڵێکی ماڵپەڕی سۆمەریە نیوز، عەلائەدین ئەلعەلوان، وەزیری تەندرووستی عێراق بە نامەیەک دەستلەکارکیشانەوەی خۆی پێشکەشی عادل عەبدولمەهدی، سەرۆکوەزیرانی عێراق کردووە و لە نامەیەکدا رایگەیاندووە کە لەکاتی بەجێگەیاندنی ئەرکەکەی رووبەڕووی چەند بەربەستێک بووەتەوە و بۆسەیان بۆ داناوە.
ئەلعەلوان ئاماژەی بەوە داوە، بەهۆی رووداوەکان ناتوانێت بەردەوام بێت لە پیشەکەی و نامەی دەستلەکارکێشانەوەی پێشکەشی عادل عەبدولمەهدی کردووە.
لەلایەکی دیکەوە ئەلعەلوان لە مانگی شوباتی ساڵی ٢٠١٨ بە هەمان هۆکار نامەی دەستلەکارکێشانەوەی پێشکەشی عادل عەبدولمەهدی کردبوو، بەڵام لەلایەن سەرۆکوەزیرانەوە رەتکرابوویەوە.
