یه‌كگرتوی ئیسلامی كوردستان ره‌تیده‌كاته‌وه لێدوانه‌كه‌ی رێبوار تاڵه‌بانی كه تێیدا پۆستی پارێزگاری كه‌ركوكی به مافی پارتی دیموكراتی كوردستان زانی بو، هه‌ڵوێستی ره‌سمی حزبه‌كه‌یان بێت.
ئاوێنه: ئه‌مڕۆ(چوارشه‌ممه)، رێبوار تاڵه‌بانی، سه‌رۆكی ئه‌نجومه‌نی پارێزگای كه‌ركوك به وه‌كاله‌ت، له‌باره‌ی پرسی پۆستی پارێزگای كه‌ركه‌وه رایگه‌یاند كه لیستی برایەتی لەچەند لایەنێكی شارەكە پێكهاتوە زۆرینەیان پارتین دواتر یەكێتی، پاشان لایەنەكانی دیكە، ئەگەر بەپێی بەركەوتەی هەڵبژاردن بێت پۆستی پارێزگار بۆ پارتییە.
هه‌ر ئه‌مڕۆ له رونكردنه‌وه‌یه‌كدا هیوا میرزا، وتەبێژی یەكگرتوی ئیسلامی كوردستان رایگه‌یاند كه لێدوانەكەی رێبوار تاڵەبانی لە بارەی پۆستی پارێزگاری كەركوك ڕاو بۆچونی خۆیەتی و گوزارشت لە هەڵوێستی ره‌سمی یەكگرتو ناكات.