"عادل عه‌بدلومه‌هدی فه‌رمانی دا به‌ كشانه‌وه‌ی هێزه‌كانی دژه‌ تیرۆر له‌ كه‌ركوك"
  2019-01-23       670       

میدیا عێراقییه‌كان بڵاویان كردۆته‌وه‌ كه‌ عادل عه‌بدولمه‌هدی، سه‌رۆك وه‌زیرانی عێراق فه‌رمانی داوه‌ هێزه‌كانی دژه‌ تیرۆری عێراق له‌كه‌ركوك بكشێنه‌وه‌.

ئاوێنه‌: ماڵپه‌ڕی سومه‌ریه‌ نیوز، له‌زاری سه‌رچاوه‌یه‌كه‌وه‌ له‌ ده‌زگای دژه‌ تیرۆری عێراق بڵاویكردۆته‌وه‌"دوای ئه‌وه‌ی ئه‌ركی چه‌سپاندنی یاسا كۆتایی هاتوه‌، فه‌مان دراوه‌ به‌ كشاندنه‌وه‌ی هێزه‌كانی دژه‌ تیرۆر له‌كه‌ركوك."

سه‌رچاوه‌كه‌ هێمای بۆ ئه‌وه‌ كردوه‌ كه‌ "فیرقه‌ی تایبه‌ت له‌ لیوای سه‌رۆكایه‌تی شوێنی ده‌زگای دژه‌ تیرۆر ده‌گرێته‌وه‌ له‌ پارێزگای كه‌ركوك."

ماڵپه‌ڕی "به‌غداد ئه‌لیه‌وم"یش له‌زاری سه‌رچاوه‌یه‌كی ئه‌منییه‌وه‌ بڵاویكردۆته‌وه‌ كه‌ فه‌رمانه‌كه‌ له‌لایه‌ن عادل عه‌بدولمه‌هدی، سه‌رۆك وه‌زیران و فه‌رمانده‌ی گشتی هێزه‌ چه‌كداره‌كانی عێراقه‌وه‌ ده‌ركراوه‌. ‌ 


زۆرترین بینراو
© 2018 Awene Online, Inc. All Rights Reserved.
×