2019-09-17 1014
سەرۆک کۆماری عێراق بە یاوەریی شاندێکی باڵا سەردانی هەولێر دەکات و لەگەڵ بەرپرسانی حکوومی و سیاسی کۆدەبێتەوە.
ئاوێنه: بڕیار وایە ئەمڕۆ سێشەممە ١٧ی ئەیلوول ٢٠١٩، بەرهەم ساڵح، سەرۆککۆماری عێراق بە شاندێکی باڵای یاوەری بەریگەی فرۆکەخانەی ئەربیل-ی نێودەوڵەتی دەگاتە هەولێر.
هاوکات سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێم لە لێدوانێکی رۆژنامەوانیدا رایگەیاند کە سەردانەکە سەردانێکی ئاساییە و لەگەڵ بەرپرسانی حکوومەی و سیاسی لە ئاستێکی باڵا کۆدەبێتەوە.
تەوەرەی سەردانەکەی خۆی لە بابەتە دوقۆڵییەکانی هەرێم و بەغداد و دواهەمین دۆخی عێراق دەبینێتەوە.
لەلایەکی دیکەوە فارس عیسا، نوێنەری حکوومەتی هەرێمی کوردستانی عێراق رایگەیاند کە سەردانەکەی سەرۆککۆمار بەمەبەستی چارەسەرکردنی کێشە هەڵپەسێردراوەکان و بابەتەکانی نەوت و غازە لەنێوان بەغداد و هەولێر.