2019-09-28   1176     
فهرماندهی هێزهكانی روبهڕووبونهوهی تیرۆری عیراقی بههۆی بوونی كێشهی لهگهڵ بهڕێوبهری فهرماندهی هێزهكانی دژه تیرۆر دهبێت لهماوهی 24 سهعاتدا پۆستهكهی جێبهێڵێت.
ئاوێنه: سهرچاوهیهك لهوهزارهتی بهرگری عیراق رایگهیاندوه: ''فهریق عهبدلوههاب ساعدی بهنوسراوێك لهلایهن فهرماندهی گشتی هێزه چهكدارهكانی عیراقهوه لهپۆستهكهی دوور دهخرێتهوهو دهگهڕێتهوه بۆ ناو وهزارهت و پۆستێكی تری پێدهدرێت".
سهرچاوهكه ئاماژهی بهوهشداوه "هۆكاری سهرهكی ئهو بڕیاره بۆ جیاوازی بۆچوون و كێشهی لهگهڵ فهرماندهی گشتی هێزهكانی دژه تیرۆری عیراقی فهریقی یهكهمی رووكن تاڵب شهغاتی دهگهڕێتهوه".
ئهو سهرچاوهیه ئهوهشی ئاشكراكردوه:" فهرمانهكه ئهمڕۆ بهشێوهیهكی رهسمی دهرچووهو دهبێت عهبدلوههاب ساعدی لهماوهی 24 سهعاتدا پۆستهكهی جێبهێڵێت".