2019-10-01 2194
.jpg)
د.ئەحمەد شۆتەری له‌گه‌ڵ سەدام حسێن
د.ئەحمەد شۆتەری، ڕاوێژکاری سەدام حسێن سه‌رۆكی له‌سێداره‌دراوی عێراق بۆ کاروباری ئە فەریقا کاندیدکردنی خۆی ڕاگەیاند بۆ هەڵبژاردنە سەرۆکایەتیەکەی 12/12ی جەزائیر.
ئاوێنه: شۆتەری ڕایگەیاند، پەیڕەوێکی بەعسیانەی داڕشتووە بۆ بەڕێوەبردنی جەزائیرو دەیەوێت چاکسازیی لەکەرتی ئابورییدا بکات‌و دادپەروەری ئابوری‌و کۆمەڵایەتی لەجەزائیر بچەسپێنێت.
ئەحمەد شۆتەری لەدایکبوی ساڵی 1954ی جەزائیرەو لەساڵی 1976 بڕوانامەی بەکالۆریۆسی لەزانستی سیاسیدا بەدەستهێناوەو ساڵی 1981 بڕوانامەی ماجستێر لەسیاسەت‌و پەیوەندی نێودەوڵەتی بەدەستهێناوەو وەک مامۆستا لەزانکۆی جەزائیر کاریکردوە.
لەدوای جەنگی کەنداو هاتۆته بەغدادو وەک ڕاوێژکاری سەدام حسێنی سەرۆک کۆماری پێشوی عێراق کاریکردووه، لەساڵی 1996 لەزانکۆی موستەنسەریەی بەغداد بڕوانامەی دکتۆرای بەدەستهێناوە تا ساڵی 2002 لەعێراق ماوەتەوە، پێش دەستپێکردنی شەڕی داگیرکردنی عێراق گەڕاوەتەوە جەزائیر.
د. سه‌نگه‌ر سه‌ید قادر