2019-10-02 655
لەگەڵ دووەم ڕۆژی خۆپیشاندانەکاندا لە عێراق ئێوارەی ئەمڕۆ حکومەتی عێراق هیڵی ئینتەرنێتی لە پارێزگاکان ڕاگرت.
ئاوێنه: ڕاگرتنی هیڵی ئینتەرنێت لە عێراق لە کاتێکدایە حکومەتی هەرێم ڕوونکردنەوەی نەداوە لەسەر ئەوەی هێڵی ئینتەرنێت لە پارێزگاکانی هەرێم ڕادەگیرێت یان نا.
جێگای ئاماژەیە خۆپێشاندانەکان دوای ئەمە دێت پاشنیوەڕۆی دوێنێ سێشەممە، مەیدانی تەحریر لەشاری بەغداد، خۆپیشاندانێكی فراوانی جەماوەری بەخۆوە بینی و بەهۆیەوە گرژی و ئاڵۆزی لە نێوان خۆپیشاندەران و هێزە ئەمنییەكان رویدا، لەئەنجامدا سێ كەس كوژران و لانی كەم ٢٠٠ كەسی دیكەش برینداربون.
ئەمرۆ خۆپێشاندانەکان پەرەی سەند زۆربەی ناوچەکانی عێراقی گرتەوە، هاوکات چاوەرێ دەکرێت خۆپێشاندانەکان زیاتر تەشەنە بکات و سەرتاسەری عێراق بگرێتەوە.
لە زۆرینەی پارێزگاکانی عێراقدا هەوڵدەدەن بچنە بینا حکومییەکانەوە و لە شاری کەربەلا خۆپیشاندەران هەوڵیانداوە بچنە ناو بینا حکومییەکان کۆنترۆڵبکەن.