هەزار فەرمانبەر بە تۆمەتی دزیکردن و گەندەڵی دورخرانەوە
  2019-10-03       1305       
ئەنجومەنی باڵای نەهێشتنی گەندەڵی لە عێراق بە سەرۆكایەتی عادل عەبدولمەهدی، سەرۆك وەزیرانی عێراق كۆ دەبێتەوە و رێنوێنی بۆ دوورخستنەوەی هەزار فەرمانبەر لە دامەزراوەكانی دەوڵەت لە پۆستەكانیان بەهۆی گەندەڵییەوە دەردەكات.

ئاوێنه‌: لە بەیاننامەیەكی ئەنجوومەنی باڵای نەهێشتنی گەندەڵی لە عێراق هاتووە، ئەمڕۆ پێنجشەممه‌ ئەنجوومەنەكە بە سەرۆكایەتی عادل عەبدولمەهدی كۆبووەتەوە و چاوی بە راپۆرتی فەرمانگەی لێكۆڵینەوە لەسەر فەرمانبەران كە سزای یاساییان بەهۆی پرسی نەزاهەوە بۆ دەرچووە سەر بە دەستەی نەزاهە خشاندووە، لەوبارەكانی بەهەدەردانی سامانی گشتی یان زیانگەیاندن بە سامانی گشتی و دزی و خۆدەوڵەمەندكردن لەسەر حیسابی سامانی گشتی و تاوانی تریش.  

بڕیاردرا بە دوورخستنەوەی هەزار فەرمانبەری حکومی بە تۆمەتی گەندەڵی و بەهەدەردانی پارە و زیانگەیاندن بە موڵک و ماڵی گشتی.

ئاماژە بەوەشکراوە، ئەو فەرمانبەرانەی دوورخراونەتەوە پلەی جۆراوجۆریان هەیە و لە دامودەزگا جیاوازەکانی حکومەتدان، دوای دوورخستنەوەیان لە داهاتوودا بۆیان نییە لە هیچ پێگە و شوێنێکی دەوڵەتدا درێژە بە کارکردن بدەن.
زۆرترین بینراو
© 2024 Awene Online, Inc. All Rights Reserved.
×