وەزارەتی
دەرەوەی قەتەر، ئەمڕۆ هەینی، داوای لە هاوڵاتیانی وڵاتەكەی كرد عێراق بەجێبهێڵن
ئەوەش بەهۆی ئەو خۆپیشاندانە خوێناویانەی چەند رۆژێكە بەغدای پایتەخت و چەند
شارێكی دیكەی خواروی عێراقی گرتۆتەوە.
ئاوێنە:
وەزارەتی دەرەوەی قەتەر، لەبەیاننامەیەكدا داوای لە هاوڵاتیانی قەتەر كردوە دان
بەخۆیاندا بگرن و لە ئێستادا گەشتی عێراق نەكەن ئەوەش بەهۆی ئەو خۆپیشاندانانەی
بەغداو چەند ناوچەیەكی دیكەی ئەو وڵاتەی گرتۆتەوە و تێیدا ژمارەیەكی زۆر
خۆپیشاندەر كوژراون و بریندار بون.
هەروەك وەزارەتی دەرەوەی قەتەر
لەبەیاننامەكەیدا داوای لەو هاوڵاتیانەی وڵاتەكەی كردوە كە لە عێراقن، دەستبەجێ
ئەو وڵاتە بەجێبهێڵن، بەهۆی "ئەو پەرەسەندانەی لەئێستادا لەعێراق رودەدەن."