بەفەرمانی عادل عەبدولمەهدی قەدەغەی هاتوچۆ هەڵگیرا
  2019-10-05       262       
بەفەرمانی عادل عەبدولمەهدی، سەرۆک وەزیرانی عێراق، قەدەغەی هاتوچۆ لە بەغدای پایتەخت و چەند شارێکی دیکە هەڵگیرا.

ئاوێنه‌: میدیاکانی عێراق بڵاویانکردەوە، لەسەر فەرمانی عادل عەبدولمەهدی، سەرۆک وەزیرانی عێراق، لە کاتژمێر پێنجی بەرەبەیانی ئەمڕۆوە قەدەغەی هاتوچۆ لە بەغدا و چەند شارێکی دیکەی باشوری عێراق هەڵگیراوە.

ئەم فەرمانەی عادل عەبدولمەهدی دوای ئەوە هات كە لە ماوەی چەند رۆژی رابردوودا، خۆپیشاندان و ناڕەزایەتیی دەربڕین دژبە گەندەڵی، بێكاری و خراپی خزمەتگوزارییەكان شاری بەغدا و چەند شارێكی باشووری عێراقی گرتەوە، ئاڵۆزی لە نێوان خۆپیشاندەران و هێزە ئەمنییەكاندا روویدا و بە هۆیەوە تا ئێستا 100 كەس كوژراون.

ئەم بڕیارە لە کاتێکدایە، لە بەرەبەیانی رۆژی پێنجشەممەی رابردو وەك هەوڵێك بۆ دامركاندنەوەی خۆپیشاندانەكان، قەدەغەی هاتوچۆ لە شارەكانی بەغدا و ناوەند شارەكانی زیقار، میسان و نەجەف راگەیەندرا و تاوەکو ئەمڕۆ بەردەوام بوو.

زۆرترین بینراو
© 2018 Awene Online, Inc. All Rights Reserved.
×