نەتەوە یەکگرتووەکان داوای لێپرسینەوە لەو کەسانە دەکات کە توندوتیژییان بەرامبەر بە خۆپیشاندەر بەکارهێناوە
  2019-10-06       319       
نێردەی هاوکاری نەتەوە یەکگرتووەکان داوا ده‌كات لێپرسینه‌وه‌ له‌وانه‌دا بكرێت کە توندوتیژیان له‌ خۆپیشاندانه‌كانی عێراق به‌كارهێناوه‌.
 
لە راگەیەندراوێکدا جانین هێننس پلاسچێت، سه‌رۆكی یونامی له‌باره‌ی به‌رده‌وامی خۆپیشاندانه‌كانی به‌غدا و شاره‌كانی باشووری عێراق رایگه‌یاند ''نیگه‌رانین به‌ هۆی رووداوه‌كان. راپۆرته‌كان ئاماژه‌ به‌وه‌ ده‌ده‌ن له‌و پێنج رۆژه‌ی خۆپیشاندانه‌كاندا ژماره‌یه‌ك قوربانی و بریندار هه‌ن. پێویسته‌ ئه‌مه‌ (توندوتیژی) رابگیرێت''.

هاوکات جانین هێننس-پلاسچێت له‌ راگه‌یه‌ندراوه‌كه‌یدا جه‌ختی له‌سه‌ر پێویستی لێپرسینه‌وه‌ له‌وانه‌ كردووه‌ كه‌ له‌ خۆپیشاندانه‌كاندا په‌نایان بردۆته‌ به‌ر توندوتیژی.

به‌غدا و شاره‌كانی باشووری عێراق له‌ یەکی ئه‌م مانگه‌وه‌ بوونه‌ته‌ گۆڕه‌پانی زنجیره‌یه‌ك خۆپیشاندان كه‌ به‌ هۆی ''گه‌نده‌ڵی، بێكاریی و نه‌بوونی خزمه‌تگوزاری گشتی'' ئه‌نجام ده‌درێن.
زۆرترین بینراو
© 2018 Awene Online, Inc. All Rights Reserved.
×