2019-10-08   664     
لەبەرامبەر هێرشی توركیا بۆ سەر رۆژئاوای كوردستان ئێران ناڕەزایی دەربڕیوە و لە پەیوەندیەكی تەلەفونیدا بە وەزیری دەرەوەی توركیا راگەیەندراوە.
ئاوێنه: محەمەد جەواد زەریف، وەزیری دەرەوەی ئێران پەیوەندییەكی تەلەفونی لەگەڵ مەولود چاوش ئۆغلو، وەزیری دەرەوەی توركیا، ئەنجامداوە و تیایدا ناڕەزایەتی تاران لە هێرشی توركیا بۆ سەر باكوری سوریای بە چاوش ئۆغلۆی راگەیاندووە.
وەزیری دەرەوەی توركیا وتویەتی ئەنجامدانی ئۆپەراسیۆنەكەیان كاتی دەبێت و ئەنقەرە ڕێز دادەنێت بۆ یەكپارچەیی خاكی سوریا.
زەریف وێڕای ڕاگەیاندنی دژایەتی ئێران لە هەر جۆرە ئۆپراسیۆنێكی سەربازی لە خاكی سوریا. داوای ڕێزگرتن لەیەكپارچەیی خاكی سوریای لە وەزیری دەرەوەی توركیا كرد.