فه‌رمانده‌ی هه‌سه‌ده‌: شه‌ڕ له‌گه‌ڵ تورکیا حه‌تمییه‌
  2019-10-08       2004       
فه‌رمانده‌ی سوپای سووریای دیموکرات ڕه‌خنه‌ی له‌ بڕیاره‌که‌ی تره‌مپ گرت و باسی له‌وه‌ کرد که‌ خافڵگیر کراین, سه‌باره‌ت به‌ لێكه‌وته‌كانی دوای ئه‌و بڕیاره‌ بۆ سووریا و کوردی ئه‌و وڵاته‌ هۆشداری دا.

ئاوێنه‌: مه‌زڵوم کۆبانێ فه‌رمانده‌ی گشتیی سوپای سووریای دیموکرات ڕه‌خنه‌ی له‌ بڕیاره‌که‌ی دۆناڵد تره‌مپ سه‌رۆک کۆماری ئه‌مریکا گرت له‌باره‌ی کشانه‌وه‌ی هێزه‌کانیان له‌ ناوچه‌کانی باکووری سووریا و هه‌ڵکردنی گڵۆپی سه‌وز بۆ تورکیا به‌مه‌به‌ستی هێرشکردنه‌ سه‌ر کورد.

ناوبراو ڕاگه‌یاند: "ڕاستگۆیانه‌ بڵێم ئێمه‌ له‌و بڕیاره‌ی تره‌مپ خافڵگیر بووین چونکه‌ میکانیزمی ئه‌منی به‌ره‌وپێشچوونێکی باشی هه‌بوو و ئێمه‌ هه‌موو هه‌وڵه‌کانمان خستبووه‌ گه‌ڕ، لای خۆمانه‌وه‌ هه‌ر کارێکمان کرد تاكو پڕۆژه‌که‌ سه‌رکه‌وتوو بێت."

کۆبانێ له‌باره‌ی ئه‌گه‌ری سه‌رهه‌ڵدانی شه‌ڕی نێوان کورد و سوپای تورکیا هۆشداری دا و وتی: "ئه‌گه‌ر ئه‌و بڕیاره‌ جێبه‌جێ بکرێت بێگومان شه‌ڕ له‌ سنووره‌کانی باکووری سووریا له‌ نێوان ئێمه‌ و سوپای تورکیا ڕوو ده‌دات."

ناوبراو هیواشی خواست که‌ به‌و شێوازه‌ نه‌بێت به‌ڵام ئه‌گه‌ر هاوپه‌یمانانی ئێمه‌ گوشار نه‌خه‌نه‌ سه‌ر تورکیا ئه‌وا له‌ چه‌ند ڕۆژی ئاینده‌دا شه‌ڕی نێوان کوردی سووریا و سوپای تورکیا حه‌تمییه‌ و ڕووده‌دات.

کۆبانێ داوای له‌ سه‌رکرده‌کانی ئه‌مریکا کرد که ئاوڕ له‌و بابه‌ته‌ بده‌نه‌وه‌ که‌‌ ئه‌و بڕیاره‌ ده‌ستکه‌وته‌کانی شه‌ڕ له‌گه‌ڵ داعش ده‌خاته‌ مه‌ترسییه‌وه‌.

ناوبراو جه‌ختی کرده‌وه‌ "شه‌ڕی نێوان کورد و سوپای تورکیا بۆشایی ئه‌منی لێده‌که‌وێته‌وه‌ که زه‌مینه‌ی هه‌لقۆستنه‌وه‌ی داعش فه‌راهه‌م ده‌کات، ئه‌و بڕیاره‌ هه‌موو ده‌ستکه‌وته‌کانی ئێمه‌ و هاوپه‌یمانان له‌ شه‌ڕی داعش ده‌خاته‌ مه‌ترسییه‌وه‌."
زۆرترین بینراو
هۆکاری خێرابڵاوبونەوەی ڤایرۆسی كۆرۆنا لە جیهان دۆزرایەوە
خالید ره‌نجده‌ر: نیگه‌رانین مامۆستا كرێكار ڕاده‌ستی‌ ئه‌رده‌ن یان عێراق یان ئه‌مریكا كرابێته‌وه‌
رێژه‌ی مردن، باش و خراپی سیستمی ته‌ندروستی ده‌ره‌خات
"حكومه‌تی‌ هه‌رێم به‌نیازه‌ له‌مه‌ودوا 45 - 50 ڕۆژ جارێك موچه‌ دابه‌شبكات"
په‌رله‌مانتارێك بۆ به‌شیر حه‌داد: بەرنوێژیکردنی کۆمەڵگه‌ بەو شێوەیەی جەنابت، لای خوا قبوڵ نییە
هه‌شت په‌رله‌مانتاری‌ كورد له‌به‌غدا هۆشداری‌ ده‌ده‌نه‌ حكومه‌تی‌ هه‌رێم له‌باره‌ی‌ كه‌مكردنه‌وه‌ی‌ موچه‌
وه‌زیری‌ ناوخۆ ڕه‌تیده‌كاته‌وه‌ حكومه‌تی‌ هه‌رێم به‌نیازی‌ كه‌مكردنه‌وه‌ی‌ موچه‌ی‌ فه‌رمانبه‌ران بێت
وه‌زیری‌ ناوخۆ: بڕیارماندا قه‌ده‌غه‌كردنی‌ هاتوچۆ تا 10 رۆژی‌ دیكه‌ درێژبكه‌ینه‌وه‌
وەزارەتی تەندروستی: 8 توشبوی نوێی‌ ڤایرۆسی کۆڕۆنا له‌سلێمانی‌‌و دهۆك تۆماركرا
سوپای پاسدارانی ئێران بۆ له‌ناوبردنی كۆرۆنا هاوكاری ئه‌مریكا ده‌كات
© 2018 Awene Online, Inc. All Rights Reserved.
×