لە دژی هێرشەکانی سوپای تورکیا لە هەولێر خۆپیشاندان ئەنجام دەدرێت
  2019-10-10       440       
ئەمڕۆ لەبەردەم نوسینگەی بارەگای نەتەوە یەکگرتوەکان لە شاری هەولێر خۆپیشاندان ئەنجام دەدرێت بۆ پیشاندانی ناڕەزایی لە دژی هێرشەکانی سوپای تورکیا بۆ سەر ڕۆژئاوای کوردستان.

ئاوێنه‌: بڕیارە ئەمڕۆ ١٠/١٠/٢٠١٩ لەبەردەم نوسینگەی بارەگای نەتەوە یەکگرتوەکان لە هەولێر خۆپیشاندانێک بەناونیشانی " نا بۆ تیرۆر و دەستدرێژی کردنە سەر مافەکانی خەڵکی ڕۆژئاوای کوردستان"  ئەنجامدەدرێت.

لەو ڕاگەیەنراوەی چالاکوانانی شاری هەولێر بڵاویانکردۆتەوە هاتوە، "خۆپیشاندانەکە بۆ پشتیوانیکردنە لە خەڵکی ڕۆژئاوای کوردستان ، کە ئێستا لەژێر هەڕەشەی داگیرکاری و کۆمەڵکوژی سوپای تورکیادان".

ئاماژە بەوەشکراوە، خۆپیشندانەکە لە کاتژمێر ٢.٣٠ی پاش نیوەڕۆ لەبەردەم نوسینگەی بارەگای نەتەوەیەکگرتوەکان دەبێت لە هەولێر.   
زۆرترین بینراو
© 2018 Awene Online, Inc. All Rights Reserved.
×