مافیای كوردو ئەفغانی سنوری نێوان فەڕەنساو بەریتانیا كۆنتڕۆڵ دەكەن
  2019-01-26       1798       

ئا: ‎كاوە ڕەش، بەریتانیا 

 

‎لەگەڵ نزیك بونەوەی دوا وادە بۆ دەروچونی بەریتانیا لەیەكییەتی ئەوروپا، قاچاغچییەكانی سەرسنوری فەڕەنساو  بەریتانیا  هەوڵەكانیان چڕكردۆتەوە تا زۆرترین پەنابەری نایاسای  بگەیەننە بەریتانیا.

 

‎ بەدواداچونی نهێنی ڕۆژنامەوانی


‎دوای ئەوەی باوكێكی ئێرانی سكاڵاو زەحمەتییەكانی نێو كامپی كاڵاس بەڕۆژنامەی (زەسەن)ی بەریتانی دەگەیەنێ، ڕۆژنامەكە تیمێكی خۆی بەنهێنی  دەنێرێتە نێو پەنابەرو قاچاغچیەكان، كە وەها خۆیان نیشان دەدەن كەئەوانیش پەنابەرن و نیازی پەڕینەوەیان لەفەڕەنساوە بۆ بەریتانیا هەیە.
‎تیمەكە دەڵێن; ئەوانەی كاری قاچاغچییەتی بە مرۆڤەوە دەكەن، تەنها ئامانجیان دەستكەوتنی زۆرترین داهاتەو هیچ دەربەستی سەلامەتی گیانی پەنابەرەكان. نین. بەپێی گێڕانەوەكانی زەسەنی بەریتانی، زۆربەی قاچاغچیەكانی كاڵاس و دانكیغ پێك دێن لە مافیاكانی كوردو ئەفغانی. ئەوان دەڵێن بەشێك لەقاچاخچیەكان چەقۆو چەك و تەقەمەنیان هەڵگرتوە زۆرجار ڕووبەڕوی  یەكتر بونەوە لەناو خۆیاندا.

 


‎نرخی پەڕینەوە بە بەلەمی چوب

‎ڕۆژنامەوانەكان كەوەك پەنابەر چوبونەتە كامپی كاڵاس دەڵێن; 
‎ئێمە كەوەك نەفەری پەنابەر مامەمان دەكرد، قاچاغچیەكان ئێمەیان ناردە لای  دوو قاچاغچی ئەفغانی، بەناوی مەزهەری و وەتەن، 
‎دواتر بردیانین بۆ چادرێكی بچوك لەناو جەنگەڵستانەكە كە كوڕێكی دیكەی لێ بو، بەناوی ئەنام،  ئەو گوتی; خەمتان نەبی بەبەلەم دەتان گەیەنمە ئەوبەر.
‎ئەنام كەتەمەنی ٢٨ ساڵ بو دەیگوت; لەگەڵ قاچاغچی دیكە پێكەوە ئیش دەكەین كەئەوان لەناو بەریتانیان و هەرگیز ناوی ڕاستەقینەی خۆیان ئاشكرا ناكەن.
‎ئەنام بە نەفەرەكان دەڵێ بۆ پەڕینەوە بە بەلەمی خێرا ٦هەزار پاوەند دەبێ بدەی لێرە كاش وەرناگرین، دەبێت كەسێكت  لە لەندەن پارەكە بداتە خاوەنی ڕێستۆرانتێك، كەئێمە ناونیشانەكەت دەدەینێ بۆئەوەی كەگەیشتی پارەكە وەربگرین.
‎بەقسەی قاچاغچیەكە ٦٠ میل لەولای بەندەری كاڵاسەوە بەلەمی چوب كەماتۆڕێكی لێ بەستراوە دەداتە دەست پەنابەرەكان و پێیان دەڵێ ڕاست بڕۆن، وەك خۆی دەڵێ; ئێمە سی لیتر بەنزین كەزیادیشە دەیاندەینێی و كاری ئێمە تەنها هێنانی بەلەمەكەیەوە بۆناو ئاوەكە، پاڵیان پێوە دەنێن و  ڕێگاكەیان نیشاند دەدەین. 
‎پێان. دەڵێین كەچۆن  ڕێك بۆ نزیك شارۆچكەی (فۆلكستۆن) نەك بۆ دۆڤەر) چونكە ئەوێ پۆلیسی لێ نیە).
‎بەووتەی قاچەغچیەكە، هەرزانترین نرخیش بۆ هەر نەفەرێك ٢٥٠٠پاوەند وەردەگرن، كەئەویش  ترسانكترین ڕێگایە.

 

‎ نرخی پەڕینەوەیە بەخۆشاردنەوە لەناو لۆری

 
‎ئەنام  ئاماژە بەشێوازێكی دیكەی گەیاندنی پەنابەری نایاسای دەكات، كەئەویش لەڕێگا لۆرییە بارهەڵگرەكانی خۆرهەڵاتی ئەورپاوەیە بۆ ناو بەریتانیا.
‎ئەو دەڵێ ٣هەزار پاوەند بۆ هەر نەفەرێك دەدەم بە شوفێرە پۆڵۆنی و ڕۆمانییەكان كاتێك نەفەرێك لەناو  لۆرییەكەیان دەشارنەوە بۆ بەریتانیا، منیش لەهەر نەفەرێك ٦بۆ ٧هەزار پاوەند وەردەگرم.
‎خەڵكی  پۆڵۆنیاو ڕۆمانیا بەدوو مانگ ٨٠٠ پاوەند پەیدا دەكەن، كاتێك بۆ یەك نەفەر ٣هەزار پاوەندیان دەدەمێ، لەخۆشیان 
‎هەلدەپەڕن و سەما دەكەن، بەقسەی قاچاغچیەكە كە وادەڵێ.

‎دەزگای تاوانی نیشتیمانی  بەریتانیا  دەڵێ، سوپاسی ڕۆژنامەی  زەسەن دەكەین بۆ ئەو بەدوا داچونەیان، لەسەر ئەو   تاوانەی كەبەشێوەیەكی نایاسایی و ترسناك، لەسەر هێنانی پەنابەری نایاسای دەكرێت لەلایەن قاچاغچی و مافیاكانەوە.
‎هەرەها  قسەكەری دەزگای  تاوانی نیشتیمانی  دەڵێ; ئێمە بەشێوەیەكی وررد بەدواداچون بۆ ئەو تاوانەو زانیارییەكان دەكەین، لەپێناو وەستانی كارە تاونكاری و مافیاكانی قاچاغچیەكان.

 


‎بۆچی ئێرانییەكان بەلێشاو دەیانەوێ بگەنە باریتانیا؟

‎لەماوەی سێ حەفتەدا، زیاد لەسەد پەنابەر بەڕێگای ترسناك و  بەلەمی چوپەوە خۆیان گەیاندۆتە بەریتانیا، كەزۆربەیان خۆیان!بەئێرانی ناساندوە، جگە لەبەشێكی تر كە گوتویانە عێڕاقین.
‎لەو كاتەوەی ووڵاتانی باڵكانی وەك ئەلبانیاو سربیا، كە ساڵی ڕابردوو لەمانگی ئۆگێست بەبێ فیزا  دەرگایان بۆ هاووڵاتییانی ئێرانی واڵا كردوە، 
‎باوەڕ وایە نزیكەی ٤٠ هەزار هاووڵاتی ئێرانی ڕوویان لە ووڵاتانی باڵكان  كردوە، لەوێشەوە بۆ سنورەكانی ئەوروپا دێن و دەیانەوێ بپەڕنەوە بۆ بەریتانیا.
‎بەپێی ڕاپۆرتی هەواڵەناوخۆیەكانی ئێران، گەشتی  فڕۆكەی  نێوان تاران و بێڵگراد، لەئێرانەوە  بەپڕی و تەواوی سەرنشینەوە دەڕوات بەڵام لەوسەرەوە بە بەتاڵی دەگەڕێتەوە.

 


‎ڕێگری لەپەڕینەوە

‎فەڕانساش هاوشێوەی ستایڵی  ترەمپ، دیوارێك بۆ ڕێگری لەپەڕینەوەی پەنابەری نایاسای دروست دەكات.
‎دەسەڵاتدارانی فەڕەنسا لەنزیك بەندەرەكانی شار كاڵاس، دیوارێكیان بەبەرزی دەپێ دروستكردوە لە نزیك وێستگەكانی فرۆشتنی سوتەمەنی بە لۆریێە بار هەڵگرەكان، چونكە لەو ناچەیەدا كاتێك لۆریەكان بۆ پشوو وەرگرتن و  پڕكردنەوەی سوتەمەنی دەوەستن، پەنابەرە نایاساییەكان فڕسەت دێن و دەچنە ئەو ناوچەیە تا لەو كاتەدا بەدزیی و نهێنیەوە، خۆیان لەناو لۆریەكان بشارنەوەو بپەڕنەوە بۆ بەریتانیا.
‎لەنوێ  تیرین پێش هاتیشدا  وەزیری ناوخۆی بەریتانیا، ساجید جاڤید ڕایگەیاندوە;  بەهۆی زۆربونی لێشاوی پەنابەران و پەڕینەوەیان لەفەڕەنساوە  بۆ بەریتانیا بە بەلامی بچوك و چوب، بەریتانیا بڕی ٦ملیۆن پاوەند دەدات بە فەڕەنسا،  لەپای دانان و چاودێركردنی بەندەرەكانەوە،  لەڕێگای فڕۆكەی درۆن و كامێرای   ٢٤ كاتژمێری بەردەوام،  كەتوانای بینینی بەشەویش هەیە.

 

‎پەنابەری لێوەشاوە

‎وەزیری ناوخۆی بەریتانیا  دەڵێ، ئێمە پرسیار لەو پەنابەرانە دەكەین كەبەڕێگای ئاودا خۆیان دەگەیننە ووڵاتەكەمان، ئایا ئەگەر  ئێوە پەنابەری  شایستەو لێوەشاوەوەن، بۆ لەیەكەم وێستگەی گەیشتن بە ئەوروپا،  داوای مافی پەنابەرییتان نەكردوە؟ بۆ بەسەر ئەو هەموو ووڵاتەی ئەوروپاوە بازدەدەن و دێن بۆ ئێرە؟ ئایە ئەگەر بەڕاستی  پەنابەرێك مەترسی لەسەر ژیانی  هەبێت،  بۆ لەیەكەم شوێنی گەیشتن كەیسەكەی پێشكەش ناكات و داوای مافی پەنابەری ناكات!؟
‎وەزیری ناوخۆ دەڵێ; دەبێ بەجدی  ئەو وەڵامی ئەو پرسیارانە وەربگری، تا بزانین ئایە ئەو كەسە پەنابەرێكی شایستەو لێوەشاوەیە.


زۆرترین بینراو
© 2018 Awene Online, Inc. All Rights Reserved.
×