شەڕڤانانی هێزەكانی سوریای دیموكرات(هەسەدە)، هێرشی سوپای توركیا و
میلیشیاكانی سەر بەو سوپایە بۆ سەر ناوچەی "پیشەسازی" لە شارۆچكەی
"سەرێكانی" تێكدەشكێنن.
ئاوێنە: ئاژانسی هاوار نیوز، سەربە هێزەكانی سوریای دیموكرات، ئەمڕۆ هەینی،
بڵاویكردەوە كە سوپای توركیاو فڕۆكە جەنگییەكانی بەردەوام لە بۆردومانكردنی
شارۆچكەی "سەرێكانی" و هاوكات لەگەڵ ئەوەشدا سوپاكەو میلیشیا
هاوپەیمانەكانی هەوڵ دەدەن لەڕێی وشكانییەوە پێشڕەوی بكەن و لەو چوارچێوەیەشدا
لەماوەی چەند سەعاتی رابردودا، ناوچەی "پیشەسازی" شارۆچكەكە شەڕو پێكدادانێكی
قورسی بەخۆیەوە دیوە.
ئاژانسەكە هێمای بۆ ئەوە كردوە كە لەمیانی ئەو شەڕەدا شەڕڤانانی هەسەدە
توانیویانە هێرشی سوپای توركیا و میلیشیاكانی هاوپەیمانی سوپاكە بۆ سەر ناوچەی
"پیشەسازی" سەرێكانی تێكبشكێنن و لەئەنجامیشدا نۆ چەكداری میلیشیاكان
كوژراون.