نەتەوە یەكگرتوەكان، ئەمڕۆ هەینی، رایگەیاند، ئۆپەراسیۆنی سەربازی توركیا
لە باكوری سوریا كە لە رۆژی چوارشەممەوە دەستی پێكردوە تا ئێستا بۆتە هۆی
ئاوارەبونی نزیكەی 70 هەزار كەس لە ناوچەكانی "گرێسپی" و "سەرێكانی".
ئاوێنە: بەرنامەی
خۆراكی جیهانی(دەبلیو ئێچ ئۆ) سەربە نەتەوە یەكگرتوەكان رایگەیاند، تا ئێستا
نزیكەی 70 هەزار كەس لە هەردو ناوچەی "سەرێكانی" و "گرێسپی"
لە رۆژئاوای كوردستان لەترسی بۆردومانەكانی سوپای توركیا ئاوارە بون.
لەلایەكی دیكەوە،
رێكخراوی پزیشكانی بێسور رایگەیاند، نەخۆشخانەی "گرێسپی" داخراوە بەهۆی
هەڵهاتنی پزیشك و كارمەندەكانی لەترسی بۆردومانەكان و هەروەها بەڕێوەبەریی خۆسەریی
لە باكورو رۆژهەڵاتی سوریاش رایگەیاند، دەستیان كردوە بە چۆڵكردنی "كەمپی
مەبروكە" كە حەوت هەزار ئاوارەی تێیدایە ئەوەش دوای ئەوەی كەمپەكە لەلایەن توركیاوە
بۆردومان كراوە.