بەرەبەیانی ئەمڕۆ شەمممە، تەقینەوەیەكی گەورە لەبەردەم زیندانێكی داعشدا لە
گەڕەكی جویران لە شاری حەسەكەی رۆژئاوای كوردستان رویدا.
ئاوێنە: ئاژانسی هاوار نیوز، سەربە هێزەكانی سوریای دیموكرات(هەسەدە)،
لەزاری چەند شایەتحاڵێكەوە بڵاویكردەوە كە تەقینەوەكە لەڕێگەی ئۆتۆمبێلێكی
بۆمبڕێژكراوەوە بوەو لەبەردەم زیندانێكی داعش لە گەڕەكی جویران لە رۆژئاوای شاری
حەسەكە رویداوە.
ئاژانسەكە بەبێ ئەوەی ئاماژە بە زیانە گیانی و ماددییەكانی تەقینەوەكە
بدات، هێمای بۆ ئەوە كردوە كە هێزەكانی ئاسایشی ناوخۆ گۆمانلێكراوێكیان بە تۆمەتی
ئەنجامدانی تەقینەوەكە دەستگیركردوە.
مستەفا بالی، وتەبێژی
هەسەدە رایگەیاند، بەرەبەیانی ئەمڕۆ شەممە لە گەڕەکی جویرانی سەر بە پارێزگای
حەسەکە، ئۆتۆمبێلێکی بۆمبڕێژکراو لە بەردەم زیندانێکدا کە چەکدارانی داعشی تێدایە
تەقییەوە.
مستەفا بالی،
وتەبێژی هەسەدە رایگەیاند، ئەو جۆرە تەقینەوانە مەترسی هەڵهاتنی دەسگیرکراوانی
داعش لەو زیندانە زیاد دەکەن، ئەمەش گەورەترین زیندانی پارێزگای حەسەکەیە کە هەزاران
چەکداری داعشی تیادا دەسگیرکراوە.