پاش سێ ڕۆژ، ئه‌نه‌كه‌سه‌ ئیدانه‌ی هێرشه‌كانی توركیا ده‌كات
  2019-10-12       1265       

ئه‌نجومه‌نی نیشتمانیی كورد له‌ سووریا (ئه‌نه‌كه‌سه)‌ هێرشی توركیا بۆ سه‌ر كوردستانی ئەو وڵاتە سه‌ركۆنه‌ ده‌كات و داوا له‌ كۆمه‌ڵگه‌ی نێوده‌وڵه‌تی ده‌كات كه‌ به‌رپرسیارێتیی خۆی جێبه‌جێ بكات.

ئاوێنه‌: ئه‌مینداری گشتیی ئه‌نه‌كه‌سه‌ له‌ به‌یاننامه‌یێكدا رایده‌گه‌یه‌نێت: "هێرشی توركیا بۆ سه‌ر رۆژئاوای كوردستان پێشێلكاریی یاسا نێوده‌وڵه‌تییه‌كانه‌ و بووه‌ته‌ هۆی شه‌هیدبوون و برینداربوونی هاووڵاتییان و ئاواره‌بوونی خه‌ڵك".

ئه‌نه‌كه‌سه‌ پێي وایه‌ هێرشه‌كه‌ به‌ پاڵپشتیی هێزی چه‌كداری ئۆپۆزسیۆنی سووریایه‌، كه‌ ئه‌مه‌ش پێچه‌وانه‌ی رێككه‌وتنه‌كانه‌‌.

ئه‌نه‌كه‌سه‌ راشیده‌گه‌یه‌نێت: كه‌ توركیا  ده‌یه‌وێت دیمۆگرافیای ناوچه‌كه‌ بگۆڕێت و ئاواره‌ سوورییه‌كانی ناوچه‌كانی دیكه‌، له‌و سنووره‌ نیشته‌جێ بكات.

ئەنەکەسە بەرەیەکە لەو پارتە کوردیانەی کە رکەبەری پەیەدە-ن‌و لەپارتی دیموکراتی کوردستانەوە نزیکن.

زۆرترین بینراو
© 2018 Awene Online, Inc. All Rights Reserved.
×