بەپێی ئاژانسی
هاوار نیوز، ئەمڕۆ دوشەممە، شەڕڤانانی هێزەكانی سوریای دیموكرات هێرشێكی
میلیشیاكانی سەربە توركیایان بۆ سەر شاری تەلتەمر، تێكشاندوەو لەگەڵ تێكشكاندنی دو
زرێپۆش.
ئاوێنە: بەپێی
ئاژانسەكە، ئەمڕۆ چەند گروپێكی ئەو میلیشیایانە
لە قۆڵی رێگەی نێودەوڵەتی لەنێوان عەین عیساو تەلتەمر، هێرشیان كردۆتە سەر ئەم
شارەی دوایی بەڵام شەڕڤانان بەرەنگاریان بونەتەوە.
هێمای بۆ ئەوەش
كردوە، لەئەنجامی شەڕو پێكدادانی نێوانیان، بەگوێرەی زانیارییە سەرەتاییەكان،
هێرشی ئەو گروپە چەكدارانەی سەر بە توركیا تێكشێنراوەو هەروەها دو زرێپۆشیش
تێكشكێنراون و ژمارەیەك چەكداری گروپەكان كوژراون و بریندار بون.
ئەوەشی خستۆتەڕو كە
تا ئێستاش رێگای نێوان هەردو ناحیەی جەلبیە و عەین عیسا داخراوە و شەڕ لەنێوان
شەڕڤانان و میلیشیاكانی سەربە توركیادا بەردەوامە.