شەڕێکی دژوار لە سەرێکانی لە ئارادایە
  2019-10-15       755       
 
سوپای تورکیا و چه‌کداره‌کانی هێرشێکی چڕیان کردووەتە سەر شاری سەرێکانی و شەڕڤانانی هەسەدەش وەڵامیان دەدەنەوە و شەڕ سەختە.

ئاوێنه‌: لە حەوتەمین ڕۆژیدا هێرشەکانی تورکیا بۆسەر ناوچەکانی باکور و ڕۆژهەڵاتی سوریا بەردەوامە، سوپای تورکیا لە هێرشەکانیدا فڕۆکەی جەنگی و تۆپخانە بەکار دێنێت.

سوپای تورکیا لە ئێوارەی دوێنێیەوە شاری سەرێکانی داوەتە بەر تۆپباران و هێرشێکی قورسی دەستپێکردووە، شەڕڤانانی هێزەکانی سوریای دیموکرات- هەسەدەش ڕووبەڕووی هێرشەکان بوونەتەوە و لە ئێستادا شەڕێکی دژوار لە سەرێکانی لە ئارادایە.

روانگەی سوری بڵاویکردووەتەوە، شەوی رابردوو هێزەکانی هەسەدە هێرشی پێچەوانەیان کردووەتەسەر ئەو ناوچانەی سەرێ کانی کە لەلایەن تورکیا و چەکدارەکانی سەر بە تورکیا لە ماوەی رابردوودا داگیرکراون و توانیویانە سەرجەم ناوچەکان کۆنترۆڵبکەنەوە.

راشیگەیاندووە، رووبەڕووبوونەوەیەکی سەخت روویداوە تەرمی چەندین چەکداری سەر بە تورکیا لە شارۆچکەی تەلحەلف و سەرێ کانێ بەجێماوە.

روانگەی سوری بۆ مافەکانی مرۆڤ رایگەیاندووە، لە درەنگانی شەوی رابردووەوە هێزەکانی سوریای دیموکرات لە سەرێ کانی هێرشی پێچەوانەیان دەستپێکردووە و لە سەرەتادا سێ ناوچەی گرنگ کە پێشتر کەوتبووە دەست چەکدارانی نزیک لە تورکیا کۆنترۆڵکراوەتەوە دواتر توانیویانە سەرێ کانی بەتەواوی کۆنترۆڵ بکەنەوە.

زۆرترین بینراو
© 2018 Awene Online, Inc. All Rights Reserved.
×