لەمیانی كۆنگرەیەكی رۆژنامەوانید، بەرێوەبەری گشتی دارایی كۆمسیۆنی باڵای سەربەخۆی هەڵبژاردنەكان، زەردەشت حەسەن رایگەیاند دوای وردبینیكردن پارەی كارمەندانی سەرسندوقەكانی هەڵبژاردن خەرج دەكرێت.
ئاوێنە: ئەمرۆ "سێ شەممە" زەردەشت حەسەن، بەرێوەبەری گشتی دارایی كۆمسیۆنی باڵای سەربەخۆی هەڵبژاردنەكان لەمیانی كۆنگرەیەكی رۆژنامەوانیدا زانیاری لەسەر دابەشكردنی پارەی كارمەندانی سەر سندوقەكانی هەڵبژاردن خستەرو بەوەی دوای بریاری دابەشكردنی پارەكە، دەستیانكردوە بە وردبینیكردنی لیستی ناوی كارمەندەكان‌و دوا بەدوای وردبینیكردنەكە پارەكەیان بەسەردا دابەش دەكرێت.
باس لەوەش دەكات ناوی كارمەندانی سەر سندوقەكانی هەڵبژاردنی سلێمانی‌و دهۆك‌و هەڵەبجە‌و هەولێر لە ئۆفیسی سەرەكیانە لە پارێزگای هەولێر.