نانسی پیلۆسی، سەرۆكی ئەنجومەنی نوێنەرانی
ئەمریكاو چوك شومەر، سەرۆكی دیموكراتەكان لە ئەنجومەنی پیران، رێككەوتنەكەی دوێنێی
نێوان ئەمریكاو توركیا بۆ راگرتنی شەڕ لەباكوری سوریا بە "شەرمهێنەر" ناودەبەن.
ئاوێنە: نانسی پیلۆسی و چوك شومەر،
لەبەیاننامەیەكی هاوبەشدار رایانگەیاند، رێككەوتنەكە بەشێوەیەكی مەترسیدار،
میسداقیەتی سیاسەتی دەرەوەی ئەمریكا لاواز دەكات و پەیامێكی مەترسیداریشە بۆ
هاوپەیمان و دوژمنەكانمان بەوەی كە ناكرێت متمانە بە قسەكانمان بكرێت.
هەروەها لە بەیاننامەكەدا هاتوە"ئەردۆغان
دەستبەرداری هیچ شتێك نەبوەو سەرۆك ترەمپ-یش هەمو شتێكی پێشكەش كردوە."
بەپێی ئاژانسی رۆیتەرز سەرۆكی دیموكراتەكان
لە كۆنگرێس رایگەیاندوە هەفتەی داهاتو ئەنجومەنی نوێنەران دەنگ لەسەر پاكێجێكی سزا
دژ بە توركیا دەدات كە لەلایەن هەردو پارتی دیموكراتەكان و كۆمارییەكانەوە
پشتیوانی دەكرێت.