پاشنیوەڕۆی ئەمڕۆ هەینی، بە بەشداری هەزاران كەس لە چین و توێژە جیاجیاكان،
لە سلێمانی رێپێوان بۆ پشتیوانی لە رۆژئاوای کوردستان دەستی پێکرد.
ئاوێنە:رێپێوانەكە
لە شەقامی سالم(سەهۆڵەكە)ی سلێمانییەوە بۆ بەردەم باخی گشتی بە بەشداریی چەندان
هونەرمەند و رۆشنبیر و كەسایەتی سیاسی و چالاكوانانی دیار و چین و توێژەكانی دیكە
دەستی پێكرد.
لەرێپێوانەكەدا
هونەرمەندانی گۆرانی بێژ، رۆڵێكی دیاریان هەیە لە وتنی دروشمەكانداو پێكەوە لەگەڵ
خۆپیشاندەراندا بە یەك دەنگ هاوار دەكەن؛ بەرخۆدان شانازییە، سەربەرزی و ئازادییە،
بژی بەرخۆدانا رۆژاڤا.
خۆپیشاندەران ئاڵای
یەپەگە، یەپەژە و کوردستانیان بەرزکردوەتەوە، بەیەک دەنگ ھاوار دەکەن "بەرخۆدان
شانازییە، سەربەستیی و ئازادییە - ڕۆژئاوا تەنیا نییە، کوردستان پشتیوانییە - بژی
بەرخۆدانی ڕۆژئاوا. فاشیست ئەردۆغان".