ئەحمەد سەحاف،
وتەبیژی وەزارەتی دەرەوەی عێراق رایگەیاند، وڵاتەكەی گرنگی بەو دیلە داعشە بیانیانە نادات
كە لەدەرەوەی عێراق كاری تیرۆریستیان ئەنجامداوە بەڵكو پێویستە وڵاتەكانی خۆیان
بەرپرسیارێتی ئەو كەسانە لەئەستۆ بگرن.
ئاوێنە: ئەحمەد
سەحاف، ئەمڕۆ یەكشەممە لە بەیاننامەیەكدا رایگەیاند، عێراق گرنگی بە وەرگرتنەوەی
ئەو دیلە داعشانەو خانەوادەكانیان دەدات كە هەڵگری رەگەزنامەی عێراقین و لە دادگا
عێراقییەكان و بەپێی یاسا بەركارەكان دادگاییان دەكات.
جەختیشی كردەوە كە
عێراق گرنگی بەو تیرۆریستە بیانیانە نادات كە كردەوەی تیرۆریستیان لە دەرەوەی
عێراق ئەنجامداوەو وتیشی"پێویستە وڵاتەكانی خۆیان بەرپرسیارێتی ئەو
تیرۆریستانە هەڵبگرن."