سەرۆكایەتی هەرێمی كوردستان دەڵێت؛ نابێت رۆڵی سوپای ئەمریكا تێكەڵ بە
بڕیاری نەخوازراوی سیاسی بكرێت. ئەوەش دوای ئەوەش كاروانێكی سەربازی سوپای توركیا
لەكاتی كشانەوەیاندا لە رۆژئاواوە بەرەو باشوری كوردستان لە قامیشلۆ و هەروەها لە
مەخمور بەردباران كران.
ئاوێنە: سەرۆكایەتی هەرێمی كوردستان، ئەمشەو(دوشەممە) لەڕاگەیەندراوێكدا كە
وێنەیەكی دەست ئاوێنە كەوتوە رایگەیاند"ھێزی ھاوپەیمانان بە سەرکردایەتیی
سوپای ئەمەریکا ڕۆلێکی سەرەکییان ھەبوە لە پاراستن و ھاوکاریکردنی ھاوڵاتیانی ھەرێمی
کوردستان، ھەر لە ڕاگەیاندنی ناوچەی دژەفڕینهوه لە ساڵی ١٩٩١، تا ڕوخاندنی ڕژێمی
بەعس لە ساڵی ٢٠٠٣ و تێکشکاندنی گروپی تیرۆرستی داعش لەم چەند ساڵەی ڕابردودا، ھەر
لەم پێناوەشدا شانبەشانی ھێزی پێشمەرگەی کوردستان قوربانییان داوە و بەرگرییان لە
ھەرێمی کوردستان کردوە."
سەرۆكایەتی هەرێم وتوشیەتی"نابێت ڕۆڵ و خەباتی ھاوپەیمانان، بەتایبەتی
سوپای ئەمەریکا، تێکەڵ بە بڕیاری نەخوازراوی سیاسی بکرێت. ھەرێمی کوردستان ڕێز و پێزانینی
بۆ ھێزی ھاوپەیمانان و سوپای ئەمەریکا دوبارە دەکاتەوە و خەبات و قوربانیدانیان بەرز
ڕادەگرێت."
دەقی راگەیەندراوەكە...
ڕاگەیهنراوێک لە سەرۆکایەتیی ھەرێمی کوردستانەوە
ھێزی ھاوپەیمانان بە سەرکردایەتیی سوپای ئەمەریکا
ڕۆلێکی سەرەکییان ھەبوە لە پاراستن و ھاوکاریکردنی ھاوڵاتیانی ھەرێمی کوردستان، ھەر
لە ڕاگەیاندنی ناوچەی دژەفڕینهوه لە ساڵی ١٩٩١، تا ڕوخاندنی ڕژێمی بەعس لە ساڵی
٢٠٠٣ و تێکشکاندنی گروپی تیرۆرستی داعش لەم چەند ساڵەی ڕابردودا، ھەر لەم پێناوەشدا
شانبەشانی ھێزی پێشمەرگەی کوردستان قوربانییان داوە و بەرگرییان لە ھەرێمی
کوردستان کردوە.
نابێت ڕۆڵ و خەباتی ھاوپەیمانان، بەتایبەتی سوپای ئەمەریکا، تێکەڵ بە بڕیاری
نەخوازراوی سیاسی بکرێت. ھەرێمی کوردستان ڕێز و پێزانینی بۆ ھێزی ھاوپەیمانان و
سوپای ئەمەریکا دوبارە دەکاتەوە و خەبات و قوربانیدانیان بەرز ڕادەگرێت.
سهرۆکایهتیی ههرێمی کوردستان
٢١/١٠/٢٠١٩