بەهۆی بڵاوەپێكردنی خۆپیشاندەران بە گازی فرمێسكڕێژ لەنزیك پردی كۆماری لە
بەغدای پایتەخت، دەیان خۆپیشاندەر توشی تەنگەنەفەسی بون.
ئاوێنە: بەپێی میدیا عێراقییەكان هێزە ئەمنییەكان بەردەوامن لە
بڵاوەپێكردنی خۆپیشاندەران بە گازی فرمسێكڕێژ لە نزیك پردی كۆماری لە بەغدای پایتەخت.
خۆپیشاندەران دەیانەوێت راگرەكانی نزیك پردە بكشێنن و بەرەو ناوچەی سەوز بڕۆن.
بەپێی سەرچاوە
ئەمنییەكان سەرلەبەیانی ئەمڕۆ هەینی، بەهۆی هەوڵی هێزە ئەمنییەكانەوە بۆ
بڵاوەپێكردنی خۆپیشاندەران لەنزیك پردی كۆماری، 15 خۆپیشاندەر توشی تەنگەنەفەسی
بون و بۆ نەخۆشخانەكان گوازراونەتەوە.
شەوی رابردو، بەر لەوادەی دەستپێكردنی
خۆپیشاندانەكان، سەدان هاوڵاتی ناڕازی وەك ئامادەكارییەك بۆ خۆپیشاندانەكانی ئەمڕۆ
هەینی، رویان لە گۆڕەپانی تەحریر لە بەغدا كردو هەر بەوشەوە دەستیان بە وتنەوەی
دروشم دژ بە گەندەڵكاران كردەوە.
درەنگانی شەوی
رابردو خۆپیشاندەران توانیبویان راگرە كۆنكرێتییەكانی سەر پردی كۆماری بخەن وەك
هەوڵێك بۆ دەربازبونیان بەرەو ناوچەی كەرادە مریەم و ناوچەی سەوزی بەغدا.
بەڵام هێزە
ئەمنییەكان هەر شەوی رابردو توانیان دەیان كەس لەو خۆپیشاندەرانە بڵاوەپێبكەن كە
چوبونە ناو ناوچەی سەوز.