كۆمسیۆنی مافەكانی مرۆڤ لەعێراق رایگەیاند، دوەم خۆپیشاندەر بەهۆی سەختی
برینەكەیەوە لەبەغدا گیانی لەدەستداو ژمارەی بریندارانیش گەیشتۆتە نزیكەی 100 كەس.
ئاوێنە: عەلی
بەیاتی، ئەندامی كۆمسیۆنی مافەكانی مرۆڤ لەعێراق، ئەمڕۆ هەینی، بە ماڵپەڕی "بەغداد
ئەلیەوم"ی راگەیاند، دوەم خۆپیشاندەر كە بەهۆی سەختی برینەكەیەوە گیانی
لەبەغدا گیانی لەدەستداوە تەمەنێكی زۆری هەبوە.
لەلای خۆیشییەوە
ئەنەس عەزاوی، ئەندامی كۆمسیۆنەكە رایگەیاندوە، ژمارەی برینداران بەهۆی گازی
فرمێسكڕێژو گولەی پلاستیكیەوە بەرزبۆتەوە بۆ 95 بریندار.
هێمای بۆ ئەوەش
كردوە كە لەنێو بریندارەكاندا پەیامنێری كەناڵی سومەریە كە برینەكەی لەبەشی
سەریدایەو مەترسیدارە.
ئەوەشی خستۆتەڕو
كە بریندارەكان خۆپیشاندەرو هەروەها ئەندامانی هێزە ئەمنییەكانیان تێدایە.