دەستەی دەستپاكی
عێراق، ئەمڕۆ هەینی، ئاشكرایكرد، 60 فەرمانی دەستگیركردن و لێپێچینەوە بۆ ژمارەیەك
لە پەرلەمانتاران و بەرپرسانی خۆجێی دەرچوە بە تۆمەتی گەندەڵی و بەهەدەردانی
سامانی گشتی. رونیشدەكاتەوە كە چەند فەرمانێكی لێپێچینەوە بۆ وەزیرێك و پێنج
پەرلەمانتاری ئێستاو دو وەزیری پێشوش دەرچوە.
ئاوێنە: دەستەی
دەستپاكی عێراق لەبەیاننامەیەكدا رایگەیاند، فەرمانگسەی لێكۆڵینەوەكانی دەستەكە، 60
فەرمانی دەستگیركردن و لێپێچینەوەی بۆ ژمارەیەك لە پەرلەمانتاران و بەرپرسانی
خۆجێی دەركردوە بە تۆمەتی گەندەڵی و بەهەدەردانی سامانی گشتی و رونیشیكردەوە كە
فەرمانی لێپێچینەوە بۆ وەزیرێك و پێنج پەرلەمانتاری ئێستا و دو وەزیری پێشو
دەرچوە.
دەستەی دەستپاكی ئەوەشی خستەڕو كە
فەرمانگەی لێكۆڵینەوە لەماوەی مانگی تشرینی یەكەمی ئەمساڵدا فەرمانی لێپێچینەوەی
بۆ 38 ئەندامی ئەنجومەنی پارێزگاكان لە ئەندامانی ئێستاو پێشو دەركردوە.
هەروەك
ئاشكراشیكرد كە فەرمانی لێپچێنەوە بۆ پارێزگارێك و دو سەرۆكی ئەنجومەنی پارێزگای
ئێستا دەرچوەو هەروەها فەرمانی لێپێچینەوە بۆ شەش بەڕێوەبەری گشتی و بریكارێكی
وەزیر دەرچوە.
هەروەها جەختیشی
كردەوە كە فەرمانی دەستگیركردن بۆ پارێزگارێك و دو سەرۆكی ئەنجومەنی پارێزگای
ئێستا و پێنج بەڕێوەبەری گشتی دەرچوە.