2019-11-02 862
نوسینگەی راگەیاندنی حەیدەر عەبادی راگەیەندراوێکی سەبارەت بەو هێرشە چەکدارییەی بۆ سەر ماڵی حەیدەر عەبادی بڵاوکردەوە.
ئاوێنه: لە راگەیەندراوەکەدا هاتوە، ئێوارەی یەکەم هەینی لەمانگی تشرینی دووەم، کۆمەڵە چەکدارێکی نەناسراو هەڵدەکوتنە سەر شوێنی مانەوەی دکتۆر حەیدەر عەبادی،هاوکات پاسەوانەکانی بڵاوەپێکران و پارێزگاریان لە شوێنەکە کرد.
شایەنی باسە لە راگەیەندراوەشدا هاتوە، رووداوەکەی دوێنی شتێکی نوێ نیە، چەند جارێکی تریش هەوڵی لەمجۆرە دراوە.
ئەوەش راگەیەندراوە، لێرەدا جەخت لەوە دەکەینەوە عەبادی لەماڵەکەیدا خۆیدایەوەو شوێنەکەی جێنەهێشتوە، ئەو بەردەوامە لەکارەکانی بۆ خزمەتکردن لە کێشە نێشتیمانیەکان، وە راگرتنی هەڵمەتەکانی کوشتن و هاوکاریکردنی خۆپیشاندانە ئاشتی خوازەکان.
نوسینگەی حەیدەر عەبادی لەکۆتایی راگەیاندراوەکەدا ئەوەی وتوە، جێگای ئاماژەیە ئەو جۆرە کردەوانە هیچ شتێک زیاد ناکات تەنها ئەوە نەبێت بەردەوامبونمان زیاتر دەکات لەسەر داواکاری خۆپیشاندەران کە مافێکی رەوای خۆیانە بۆ چاکسازی لە سیاسەت و گۆرانکاریەکی ریشەیی، بۆ ئەوەی وڵاتەکە ببێتە وڵاتی گەل و یاسا و یەکسانی.