هەسەدە: بە لانیکەمەوە ٢٠ چه‌كداری سه‌ر به‌ توركیا کوژراون
  2019-11-07       481       
هەسەدە ڕایگەیاند: هێرشە داگیرکارییەکانی سوپای تورک وچه‌كداره‌كانی بەردەوامە و لە ئەنجامی وەڵامدانەوەی شەڕڤانان بە لانیکەمەوە ٢٠ داگیرکەر کوژراون.

ئاوێنه‌: ئەمڕۆ ناوەندی ڕاگەیاندنی هێزەکانی سوریای دیموکرات - هەسەدە، ئاماری ڕۆژی ٢٩یەمی شەڕ و بەرخۆدانەکانی بە ڕاگەیەندراوێک ئاشکراکرد.

لە ڕاگەیەندراوەکەدا هاتووە ''هێرشەکانی سوپای داگیرکەری تورک و چه‌كداره‌كانی لە زەمین و ئاسمانەوە بەهێزی تەکنیکەوە بەردەوامە و هێزەکانمان لە چوارچێوەی پاراستنی ڕەوادا وەڵامی هێرشەکان دەدەنەوە''.

هەروەها هاتووە: لە ئەنجامی وەڵامدانەوەی شەڕڤانامان لەدژی هێرشی سوپای داگیرکەری تورک و چه‌كداره‌كانی لە ٢٤ کاتژمێری ڕابردوو، بە لانیکەمەوە ٢٠ چەتە و سەربازی تورک کوژراون و شەشی دیکەش بریندار بوون، چەکێکی AK-47 دەستی بەسەر گیراوە و گورز لە تانکێک وەشێندراوە.

لە کۆتاییش هاتووە: لە بەرخۆدانی شەڕڤانامان، ١٠ هەڤاڵمان کە بە قارەمانەتی شەڕیان کرد شەهید بوون و ١٣ هەڤاڵیشمان بریندار بوون.
زۆرترین بینراو
© 2020 Awene Online, Inc. All Rights Reserved.
×