پەنتاگۆن: لەگەڵ هەسەدە كاردەكەین بۆ پاراستنی كێڵگە نەوتییەكان لەسوریا
  2019-11-07       766       

جۆناسان هۆفمان، یاریدەدەری وەزیری بەرگری ئەمریكا رایگەیاند، هێزەكانی وڵاتەكەی كاردەكەن بۆ رێگریكرن لەوەی رێكخراوی داعش كۆنترۆڵی كێڵگە نەوتییەكانی سوریا بكات و ئەو كێڵگانە دەپارێزن بۆ ئەوەی هێزەكانی سوریای دیموكرات(هەسەدە) سودیان لێوەربگرن.

ئاوێنە: بەپێی كەناڵی "ئەلحوڕە"، ئەمڕۆ پێنجشەممە، جۆناسان هۆفمان، لەكۆنگرەیەكی رۆژنامەوانیدا لەپەنتاگۆن رایگەیاندوە، هێزەكانی ئەمریكا بە هەماهەنگی لەگەڵ هەسەدە كاردەكەن بۆ پاراستنی بیرە نەوتەكانی سوریا لە هێرشەكانی داعش و گەرەنتیكردنی ئەوەی كە رێكخراوەكە نەتوانێت ئەو بیرە نەوتانە كۆنترۆڵ بكات و بۆ خۆی بەكاریان بهێنێت.

یاریدەدەری وەزیری بەرگری ئەمریكا جەختی كردەوە كە "داهات (ی كێڵگە نەوتییەكان) بۆ ئەمریكا نابێت بەڵكو بۆ هێزەكانی سوریای دیموكرات دەبێت."

لەوەڵامی پرسیارێكدا سەبارەت بە پاشەكشەی هێزی داعش، هۆفمان رایگەیاند، هێشتا پاشماوەكانی رێكخراوی داعش بەنهێنی كاردەكەن بە ئامانجی كۆكردنەوەی هێزەكانی و كۆنترۆڵكردنەوەی ناوچەكە.


زۆرترین بینراو
© 2020 Awene Online, Inc. All Rights Reserved.
×